РФ Финанс министрлыгы 11 июль көнне Дәүләт Думасында 2019 елга бюджетның беренче проектировкаларын тәкъдим итәчәк

Россия Финанс министрлыгы 11 июль көнне Дәүләт Думасында 2019 елга һәм 2020-2021 еллар план чорына бюджетның беренче проектировкаларын тәкъдим итәчәк. Бу хакта Дәүләт Думасында чыгышы вакытында беренче вице-премьер, финанс министры Антон Силуанов хәбәр итте.

“Киләсе өчеллыкка бюджетның проектировкалары буенча парламент тыңлауларын без 11 июль көнне үткәрәчәкбез”, - диде Силуанов.

Ул бу тыңлауларда Финанс министрлыгы парламент белән Хөкүмәт киләсе өчеллыкка тәкъдим иткән төп приоритетларны тикшерәчәк дип искәртте. “Безнең дәүләт каршында торган икътисадый һәм социаль сәясәт максатларына ирешү өчен ресурс тәэмин ителешен дә, чыгымнарны юнәлтүне дә җентенләп тикшерәчәкбез”, - диде беренче вице-премьер.

Бүген Дәүләт Думасы икенче укылышта 2018 елның бюджетына төзәтмәләрне кабул итте. Шул исәптән Финанс министрлыгы һәм Хөкүмәт бу елның йомгаклары буенча бюджетка 0,5% профицит (аннан алдан ул 1,2% дефицит белән иде) салып калдырырга тәкъдим итте. Силуанов 2018 елның көзендә киләсе төзәтмәләр барышында профицит артуга таба үзгәрергә мөмкин дип аңлаткан иде.