РФ Финанс министрлыгы 2018 елда бюджет профицитын тулаем эчке продуктның 1,5-2% дәрәҗәсендә исәпли
РФ Финанс министрлыгы законда каралган дефицит урынына тулаем эчке продуктның 1,5-2% дәрәҗәсендә дәүләтнең бюджеты профицитын исәпли. Үз чиратында 2018 елда тулаем эчке продукт үсеше 1,8-2% кадәр тәшкил итәргә мөмкин, шул ук вакытта аннан соңгы елларда икътисад үсеше темплары арта барачак. Бу хакта "Россия 1" телеканалындагы "Воскресный вечер с Владимиром Соловьевым" программасына интервьюсында беренче вице-премьер, РФ финанс министры Антон Силуанов җиткерде.
“Бюджет профициты үсә. Бездә быел исәпләнгән тулаем эчке продуктның 1,5% дефициты (башта закон буенча каралган) урынына без киресенчә тулаем эчке продуктның 1,5-2% бюджет профицитын исәплибез дип әйтәсем килә”, - дип белдерде Финанс министрлыгы башлыгы.
“Быел без 1,8-2% тирәсе тулаем эчке продукт үсешен планлаштырабыз”, - дип искәртте Силуанов. Ул шулай ук 2018 елның икенче кварталы икътисад үсеше динамикасының 1,8%ка арту күрсәтүен билгеләде. Беренче вице-премьер сүзләренчә, аннан соңгы елларда “үсеш темплары артачак”.