Рөстәм Миңнеханов: Беренчел һәм социаль йөкләмәләрне үтәү өчен катгый финанс дисциплинасын саклауны дәвам итәргә кирәк

Беренчел һәм социаль йөкләмәләрне үтәү өчен катгый финанс дисциплинасын үтәүне дәвам итәргә кирәк. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган финанс, казначылык һәм салым органнарының республика киңәшмәсендә хәбәр итте. Агымдагы елның 9 ае эшенә йомгаклар ясалды һәм ел ахырына кадәр бурычлар каралды. Анда Татарстан Премьер-министры Алексей Песошин катнашты.

Рөстәм Миңнеханов билгеләп үткәнчә, хәзерге вакытта республикада икътисадның билгеле бер җанлануына күзәтелә. 9 ай йомгаклары буенча тулай төбәк продукты үсеше узган елга карата 102,9% тәшкил иткән, сәнәгать җитештерүе индексы - 105,2%, төзелеш тармагы - 103,7%. Ваклап сату өлкәсе 8,5%ка үсеш күрсәткән.