Татарстанда илкүләм проектларга 2025 елда 43 млрд сумга якын чаралар бүлеп бирелә

2025 елның 26 августы, сишәмбе

Татарстанда илкүләм проектларга 2025 елда 43 млрд сумга якын чаралар бүлеп бирелә. Бу хакта «Татар-информ»да узган матбугат конференциясендә Тататрстан финанс министры урынбасары Гела Герасимова хәбәр итте.

«2025 елга Татарстан Республикасында 11 илкүләм проектны финанслауга каралган чараларның гомуми күләме 42,9 млрд сум тәшкил итә», - диде ул.

23 млрд сумнан артык – федераль бюджеттан, ә 19,5 млрд сум республика бюджетыннан бүлеп бирелгән.

2025 елда финанслау күләме буенча иң зур илкүләм проектларга «Гаилә» (чыгымнарның гомуми күләменнән 36%), «Тормыш өчен инфраструктура» (33%), «Яшьләр һәм балалар» (13%), «Озын һәм актив тормыш» (10%) керә.