2025 елның 1 ноябренә салымнар буенча бурыч 12 688,1 млн. сум тәшкил иткән

2025 елның 1 ноябренә салымнар буенча бурыч 12 688,1 млн.сум тәшкил иткән. Узган елның шул ук чоры белән чагыштырганда бурыч 902,8 млн.сумга яки 8% ка арткан.

Банкротлык һәм ликвидация процедураларында булган бурычлылар буенча бурыч суммасы 2025 елның 1 ноябренә 5 856,8 млн. сум (яки 50%) тәшкил иткән. Узган елга карата банкротлык һәм юкка чыгару процедураларында булган бурычлылар буенча бурыч үсеше 527,3 млн. сум (яки 9%) тәшкил иткән.

2024 елның шул ук чоры белән чагыштырганда төп үсеш түбәндәге салымнар буенча булган:

- физик затлар кеременә салым 381,8 млн. сумга (яисә 13% ка);

- салым салуның гадиләштерелгән системасы 280,4 млн. сумга (яисә 33% ка);

- оешмалардан җир салымы 169,6 млн. сумга (яисә 27% ка);

- оешмалардан транспорт салымы 90,2 млн. сумга (ягъни 40% ка);

- табышка салым 68,5 млн. сумга (яки 1% ка).

Шулай ук акцизлар буенча бурыч 34,9 млн.сумга (яки 32% ка) арткан.

Физик затларның милек салымнары буенча бурыч 2025 елның 1 ноябренә 980,2 млн. сум тәшкил иткән, 2024 елның 1 ноябре белән (01.11.2024 – 1 143,1 млн. сум) чагыштырганда 162,9 млн.сумга яки 14% ка кимегән.

21 ноябрьдә Татарстан финанс министры урынбасары Алла Анфимова муниципалитетлар белән Татарстан Республикасының берләштерелгән бюджетына салымнар буенча бурычларны киметү мәсьәләләре буенча киңәшмә үткәрде.

«Узган ел белән чагыштырганда үсеш 30 муниципаль районда, шулай ук Казан һәм Чаллы шәһәрләрендә булды», - дип билгеләп үтте Алла Анфимова.

Киңәшмәдә шулай ук аренда түләүләре буенча бурычларны киметү һәм 2025 елда физик затларның милек салымнарын вакытында түләвен тәэмин итү мәсьәләләре дә каралды. Киңәшмәдә Федераль салым хезмәтенең Татарстан Республикасы буенча идарәсе һәм Федераль суд приставлары хезмәтенең Татарстан Республикасы буенча идарәсе вәкилләре катнашты. Киңәшмәдә бурычлары арткан аерым муниципаль районнар вәкилләре дә тыңланды.