Бүген «Буревестник» спорт комплексында Татарстан дәүләт хезмәткәрләре арасында волейбол командалары ярышлары узды.
Татарстан Финанс министрлыгы командасын Татарстан Республикасы финанс министрының беренче урынбасары – Казначылык департаменты директоры Рөстәм Аюкасов җитәкләде.
Коллектив ярышта югары дәрәҗәдәге спорт әзерлеген күрсәтте. Чара мавыктыргыч һәм күтәренке кәеф атмосферасында узды. Шулай итеп, барлык катнашучыларда онытылмас хәтирәләр калдырды.
Исегезгә төшерәбез, әлеге ярышлар дәүләт граждан хезмәткәрләрен физик яктан камилләштерү өчен шартлар тудыру, республика территориясендә физкультура-спорт хәрәкәтен саклап калу һәм үстерү максатларында үткәрелә.