9 декабрьдә дөньяда Халыкара коррупциягә каршы көрәш көне билгеләп үтелә
Халыкара коррупциягә каршы көрәш көне кысаларында Татарстан Республикасы Финанс министрлыгының Казначылык департаментында яшьләр активы коррупциягә каршы көрәшне модельләштерүче команда уены – «Коррупциягә каршы Дженга» уздырды.
Чарада Татарстан Республикасы Яшьләр хөкүмәте рәисе урынбасары Матвей Шейфер катнашты.
Уен барышында катнашучылар этик дилеммалар турында фикер алыштылар һәм коррупция практикаларына каршы тору ысулларын таптылар, шулар нәтиҗәсендә коллектив җаваплылык формалаштырылды.
Моннан тыш, 2025 елның 2-9 декабрендә Татарстан Финанс министрлыгы аппараты һәм Казначылык департаменты биналарында балаларда коррупциягә каршы аңны формалаштыру максатларында «Балалар коррупциягә каршы» дип аталган балалар рәсеме күргәзмәсе узды.
Шулай ук республиканың муниципаль районнарында Татарстан Финанс министрлыгы Казначылык департаментының территориаль бүлекчәләре җитәкчеләре тарафыннан коррупциягә каршы тематика буенча түгәрәк өстәлләр оештырылды.
Коррупция – күпкырлы күренеш, ул хакимияттән яисә хезмәт урыныннан шәхси яки табыш алу максатларында файдаланудан гыйбарәт. Ул дәүләтчелек нигезләрен какшата, гражданнарның хакимият институтларына ышанычын җимерә, икътисадый үсешне тоткарлый, конкуренцияне боза һәм социаль тигезсезлекне барлыкка китерә. Коррупциягә каршы көрәш үз гражданнарының иминлегенә һәм тотрыклы үсешкә омтылучы теләсә кайсы дәүләт өчен төп бурычларның берсе булып тора.
Бу глобаль проблеманың масштабларын аңлап, Берләшкән Милләтләр Оешмасы (БМО) ел саен 9 декабрьдә билгеләп үтелә торган Халыкара коррупциягә каршы көрәш көнен билгеләр үтүне гамәлгә куйды. Бу көн дөнья җәмәгатьчелегенең игътибарын коррупциягә каршы тору зарурлыгына җәлеп итәргә, халыкара хезмәттәшлекне стимуллаштырырга, әлеге күренешне бетерү чараларын булдырырга һәм аларны гамәлгә кертүгә юнәлдерелгән.