Фәнни тикшеренүләрне финанслауның һәм җайга салуның яңа механизмы әзерләнде
Россия Финанс министрлыгы Россия Федерациясе Хөкүмәтенең фәнни тикшеренүләрне һәм эксперименталь эшләнмәләрне финанслауның яңа механизмын билгеләүне күздә тоткан карарының ике проектын эшләде. Тиешле документлар РФ Хөкүмәтенә кертелде инде.
Аерым алганда, фәнни тикшеренүләрнең һәм эксперименталь эшләнмәләрнең конкрет тематикасын финанслауга күчүне тормышка ашыру тәкъдим ителә. Мондый алым бәяне билгеләү буенча ачыграк механизм булдырырга мөмкинлек бирәчәк. Шулай ук документ гамәли фәнни тикшеренүләр һәм эксперименталь эшләнмәләр бюджеттан тыш чыганаклар хисабына яртылаш финансланырга тиешле таләпне дә күздә тота.
Ә гамәли фәнни тикшеренүләр һәм эксперименталь эшләнмәләр нәтиҗәләре хәзер Россия Федерациясе Граждан кодексында каралган (уйлап табулар, селекция казанышлары һ.б.) интеллектуаль эшчәнлек саклану нәтиҗәләренә туры килергә тиеш. Бу бюджет чыгымнарының нәтиҗәлелеген һәм тикшеренүләрнең нәтиҗәлелеген арттырырга мөмкинлек бирәчәк.
Моннан тыш, фәнни тикшеренүләр һәм эксперименталь эшләнмәләр уздыруга дәүләт ярдәме күрсәтүнең координацияләнгән механизмы инструменты булып бердәм дәүләт мәгълүмат системасы (ГИС НИОКТР) торырга тиеш. Фәнни тикшеренүләр һәм эксперименталь эшләнмәләр башкаруга субсидия алу шартлары сыйфатында мондый тикшеренүләр һәм күрсәтелгән мәгълүмати системада эшләнмәләр турында белешмәләрне урнаштыру таләбен беркетергә тәкъдим ителә.