Видеоконференция режимындагы киңәшмә

2021 елның 19 феврале, җомга

Бүген Татарстан Республикасы Финанс министрлыгында муниципалитетлар белән видеоконференция режимында киңәшмә узды, анда Россия Федераль салым хезмәтенең Татарстан Республикасы буенча идарәсе, Татарстан Республикасы буенча суд приставлары федераль хезмәте идарәсе, Татарстан Республикасы муниципаль берәмлекләре Советы вәкилләре катнашты.

Киңәшмәдә муниципалитетлар белән берлектә мөлкәт һәм җир кишәрлекләре өчен салымнар һәм аренда түләве буенча бурычларны кыскарту эшләре, шулай ук Финанс, казначылык һәм салым органнарының еллык коллегия беркетмәсе кысаларында йөкләмәләрне үтәү мәсьәләләре буенча фикер алыштылар.