Алкоголь продукциясенең элек бирелгән маркалар белән тамгаланган әйләнешен рөхсәт итүче РФ Хөкүмәте карары имзаланды
Документ карар үз көченә кергәнче бирелгән маркалар белән тамгаланган алкоголь продукциясенең яраклылык вакыты чыкканчы әйләнешне рөхсәт итә торган күчеш нигезләмәләрен күздә тота. 345-ФЗ номерлы Федераль закон кабул ителүгә бәйле рәвештә продукция төренең исеме үзгәргән очракта, алкоголь продукциясен җитештерүчеләр һәм импортерлар мондый продукциягә элек бирелгән гаризалар буенча алынган акциз һәм федераль махсус маркалар әлеге карар үз көченә кергән көнгә кадәр гамәлдә булган тәртиптә төшерергә хокуклы.
Моннан тыш, карар белән документларда кулланыла торган алкоголь продукциясе терминологиясен 468-ФЗ номерлы Федераль закон таләпләренә туры китерү өчен РФ Хөкүмәте актларына техник үзгәрешләр кертелә. Документ Россия Федерациясе Финанс министрлыгы тарафыннан Россия Федерациясе Авыл хуҗалыгы министрлыгы, Россия Икътисади үсеш министрлыгы һәм Россия Юстиция министрлыгы белән берлектә эшләнгән.