Халыклар бердәмлеге көне уңаеннан Татарстан Республикасы Президенты Р.Н. Миңнеханов МӨРӘҖӘГАТЕ

2013 елның 3 ноябре, якшәмбе
Хөрмәтле татарстанлылар!
Сезне ихлас күңелдән Россия Федерациясенең дәүләт бәйрәме – Халыклар бердәмлеге көне белән тәбриклим.
Бу тарихи датаның әһәмияте елдан-ел арта бара. Россия халкы өчен дүрт йөз ел элек булган вакыйгалар биргән дәресләр бүген дә актуаль һәм мөһим.
Үзенең авыр һәм бөек тарихында безнең илебез күп мәртәбәләр юкка чыгу чигендә торды. Бу чорларда дәүләтебез көчсезләнә, кешеләр ышанычын югалта барды. Ләкин халкыбызның бердәм булуы барча авырлыкларны җиңеп чыгарга ярдәм итте.
Дөнья икътисадында һәм сәясәтендә хәл катлауланган, ил эчендәге иҗтимагый тотрыклылыкка яңа куркыныч янаган заманда күп милләтле халкыбызга бердәмлек тагы да кирәк.
Мондый вакытта алгы планга халкыбызның иң күркәм сыйфатлары –чын йөрәктән Ватанны яратуы, гореф-гадәтләргә хөрмәт белән каравы, рухи тынычлыгы һәм ныклыгы чыга.
Халыклар бердәмлеге көнендә күп милләтле Татарстан халкының Россия тарихында зур роль уйнавын, буыннан-буынга Ватанга хезмәт итү традицияләрен тапшыруын, рухи байлыгыбызны һәм мәдәниятебезне саклап килүен ассызыклап үтәсе килә.
Бүген җәмгыятьнең конструктив көчләрен туплау, кешеләрне бердәмләштерү Татарстанның иҗтимагый, икътисади һәм рухи-мәдәни үсеше өчен иң мөһим шарт булып тора.
Җөмһүриятебезнең икътисади потенциалы ныгый, актив иҗтимагый сәясәт тормышка ашырыла. Мәдәниятне торгызу өчен күп көч куела. Тормыш ритмы заман таләпләренә туры килә, ул хәрәкәтчән була бара. Татарстанның үсешен алдынгы инновацион проектлар күп еллар буена билгеләп барачак.
Без җөмһүриятебез абруеның үсеше белән чын мәгънәсендә горурланабыз. Татарстанның катлаулы милләтара һәм динара проблемаларны тыныч рәвешле чишү тәҗрибәсе турында дөньяның төрле почмакларында хөрмәт белән сөйлиләр.
Бу казанышларның нигезе – Татарстан халкының берничә буынының иҗади хезмәте.
Халыкның чын бердәмлеге һәрвакыт җәмгыяттәге теләктәшлеккә нигезләнгән булуын аңлау мөһим. Тормыш дәрәҗәсен һәм сыйфатын күтәрү, дәүләт һәм җәмгыять ярдәмендә мохтаҗларга булышлык күрсәтү, шәхес хокукларын һәм иреген саклау, гражданлык институтларын үстерү – татарстанлыларның бердәмлеген ныгыту юнәлешләрен без шулай итеп күрәбез.
Кадерле дуслар! Сезгә чын күңелемнән исәнлек һәм муллык, киләчәккә ышаныч каравыгызны һәм Туган ил бәхете өчен тугры хезмәт итүегезне телим!
Татарстан Республикасы Президенты Р.Н. Миңнеханов
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International