Авыл һәм шәһәр җирлекләре арасында республика конкурсы турында
Татарстан Республикасы Министрлар Кабинетының 2013 елның 29 августындагы 614 санлы карары нигезендә ел саен Татарстан Республикасы муниципаль районнарының административ үзәкләре булмаган шәһәр тибындагы поселок нигезендә төзелгән авыл җирлекләре һәм шәһәр җирлекләре арасында республика бәйгесе үткәрелә.
Конкурс җирлекләрнең җирле үзидарә органнарының үз эшчәнлекләрендә кызыксыну уяту, Татарстан Республикасының авыл һәм шәһәр җирлекләре халкының тормыш сыйфатын яхшырту максатларында оештырыла.
Хәзерге вакытта 2025 елга республика конкурсына йомгаклар ясалды. Татарстан Республикасы муниципаль районнарының административ үзәкләре булмаган шәһәр тибындагы поселок нигезендә төзелгән 170 авыл җирлеге һәм 3 шәһәр җирлеге җиңүче дип билгеләнде.
Конкурста җиңүче җирлекләрне бүләкләү максатларында Татарстан Республикасы Министрлар Кабинеты карары белән аларга Татарстан Республикасы бюджетыннан башка бюджетара трансфертлар бүлеп биреләчәк.
Күрсәтелгән максатларга 2026 елга Татарстан Республикасы бюджетында «Татарстан Республикасының икътисадый үсеше һәм инновацион икътисады» дәүләт программасының «Татарстан Республикасында дәүләт икътисадый сәясәтен камилләштерү» төбәк проекты кысаларында 347,5 млн.сум күләмендә чаралар каралган.