Россиядә дәүләтнеке булмаган лотереяләргә чик куелачак
Дәүләт Думасы комитеты дүшәмбе көнне узган утырышында 2014 елның 1 июленнәг дәүләтнеке булмаган лотереяләрне туктату турында төзәтмәне хуплады.
Тиешле төзәтмәләрне Лотерея эшчәнлеген җайга салу турында Хөкүмәтнең закон проектына икенче укылышка кертергә тәкъдим ителде. Закон проекты беренче укылышта 2011 елның июлендә кабуд ителгән иде.
Финанслар министры урынбасары Алексей Моисеев комитет утырышында аңлатып узганча, төзәтмәләр РФ Президенты Владимир Путин биргән күрсәтмәне тормышка ашыру кысаларында әзерләнгән. Бу күрсәтмә лотереяләрне азартлы уеннар уздыру өчен кулланмау максатыннан бирелгән иде.
"Без 2014 елның 1 июленнән дәүләтнеке булмаган лотереяләргә чик куяргә тәкъдим итәбез. Бөтен Россия дәүләт лотереяләре генә уздырылачак, алар ике ведомтсов гына уздыра торган конкурс аша узачак - болар Спорт министрлыгы һәм Финанслар министрлыгы", - диде Моисеев.
Аның сүзләре буенча, закон проектында лотереяләрнең барлык мөмкин булган төрләре күрсәтеләчәк, бу "лотерея сиеме астында азартлы уеннар уздыруга киртәне тормышка ашырырга ярдәм итәчәк".