ЯҢАЛЫКЛАР

Moody's агентстлыгы Татарстан рейтингын Ba2 дәрәҗәсендә раслады, шулай да фараз тискәре әле.

2015 елның 15 апрелендә Татарстан Республикасы финанслар министрлыгында Коррупциягә каршы тору буенча комиссиянең чираттагы утырышы узды.

2015 елның 14 апрелендә Россия Федерациясе Финанслар министрлыгының "2014 елда Россия Федерациясенең Финанслар министрлыгы эшчәнлегенең төп юнәлешләре һәм 2015 елда Россия Федерациясенең финанс системасы органнары каршында торган мәсьәләләр турында" киңәйтелгән коллегиясе утырышы узды. Коллегия утырышында Татарстан Республикасы Финанслр министры Радик Гайзатуллин да катнашты.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов эш сәфәре белән Әзәрбәйҗан Республикасына килде.

Гейдар Алиев исемендәге халыкара аэропортта (Баку шәһәре) Рөстәм Миңнехановны Әзәрбәйҗан Республикасының Икътисад һәм сәнәгать министры урынбасары Ниязи Абдулла оглы Сәфәров, Россия Федерациясенең Әзәрбәйҗан Республикасындагы эшләрендә вакытлы ышанычлысы Олег Мурашев һәм башка рәсми затлар каршы алды.

Татарстан Республикасы, катлаулы икътисадый ситуациягә карамастан, стратегик планлаштырудан баш тартмый. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов 2030 елга кадәр Татарстан Республикасын социаль-икътисадый үстерү стратегиясен («Татарстан-2030: үсеш стратегиясе») эшләүгә багышланган халыкара йомгаклау конференциясендә хәбәр итте.

Конференция Казанда «Корстон» КСКК мәйданчыгында узды.

Татарстан Республикасы Хөкүмәтенең рәсми сайтында реаль вакыт режимында конференцияне трансляцияләү оештырылган иде.

Россия Федерациясенең Финанслар министрлыгы каршындагы Иҗтимагый советның ачык утырышы узды.

РФ акча белән бәйле булган җитәкчеләре финанс өлкәсендә стабильләшү буенча кабул иткән чаларның нәтиҗәләре куанычлы, бүген реаль секторда да стабильләшү күзәтелә, дип белдерде РФ финанслар министры Антон Силуанов.

2015 елның 8 апрелендә Татарстан Республикасы Финанслар министрлыгында республиканың эре салым түләүчеләре белән киңәшмәләр уздырылды. Киңәшмәләрдә 2015 елның беренче кварталында финанс-хуҗалык эшчәнлеге һәм республика бюджетына кертелгән салымнар һәм 2015 елның икенче кварталында көтелүче күрсәткечләр тикшерелде.

РФ Финанслар министрлыгы ташламалы ипотека буенча субсидияләр алыр өчен коммерцияле банклардан ставкасы 12% артмаучы гаризалар күләме 500 млрд. сум тәшкил иткән гаризалар алган, дип белдерде министрлык җитәкчесе Антон Силуанов.  

РФ Финанслар министрлыгы финанс пирамидаларын һәм битконгларны (виртуаль валюта - ред. искәртмәсе) оештыру өчен җаваплылыкны арттыру турында закон проектлары әзерләнгән. Бу турыда РФ финанслар министры Антон Силуанов Россия Банклары Ассоциациясе съездында белдерде.