ЯҢАЛЫКЛАР

Бүген Казанда РФ һәм Чехия Республикалары арасында икътисади, сәнәгать һәм фәнни-техник хезмәттәшлек буенча Хөкүмәтара комиссиянең 8 нче пленар утырышы үтте. Россиянең икътисади үсеш министры Игорь Слюняев рәислегендә үткән чарада Чехиянең сәнәгать һәм сәүдә министры Мартин Куба һәм ТР Президенты Рөстәм Миңнеханов катнашты.

Бүген Татарстанның Хөкүмәт йортында РФ инновацияле төбәкләре ассоциациясенең Гомуми Җыелышы узды. Аның утырышында ТР Президенты Рөстәм Миңнеханов, РФ Федераль Җыелышы Дәүләт Думасы Рәисе Сергей Нарышкин, “РОСНАНО” ААҖ Идарә рәисе Анатолий Чубайс, Россиянең инновацияле төбәкләре башлыклары һәм башкалар катнашты. Искәртеп узабыз, әлеге рәсми затлар катнашында 27-29 ноябрь көннәрендә Казанда IV халыкара инновацион нанотехнологик форум уза. Бүген “NANOTECH 2012” форумы үз ишекләрен Казан IT-паркында ачып җибәрде, шулай ук бүген республика башкаласында “РОСНАНО” нанотехнологияләр үзәге ачылды.

Бүген ТР Президенты Рөстәм Миңнеханов белән “Роснано” ААҖ идарәсе рәисе Анатолий Чубайс Казанда “Роснано” беренче нанотехнология үзәген ачты. Тантаналы чара үзәкнең инфраструктурасы урнашкан мәйданчыкларның берсе “Идея” технопаркында урнашкан. Икенче мәйданчыгы - “Химград” технополисында.

Бүген ТР Хөкүмәт Йортында ТР Профсоюзлар федерациясе рәисе Татьяна Водопьянова, ТР Предприятиеләре һәм эшмәкәрләре ассоциациясе президенты, ТР эш тәкъдим итүчеләр берләшмәләре координацион советы рәисе Александр Лаврентьев һәм ТР Премьер-министры Илдар Халиков 2013-2014 нче елларга социаль-икътисади сәясәт уздыру һәм социаль хезмәттәшлекне үстерү турындагы килешүгә кул куйдылар.

Россия Федерациясе Финанс министрлыгы Хөкүмәткә раслау өчен кертемнәр буенча нигезләнмәгән югары процентлар тәкъдим итүче банклар өчен иминиятләштерү фондына бирелүче отчисленияләрне арттыру турында закон проекты кертте, диде журналистларга министр Антон Силуанов.

Әлеге тәкъдим кертем ясаучыларга түләмнең бүгенге 700 меңеннән 1 миллионга хәтле күтәрү идеясе белән бергә кертелгән.

"Хөкүмәткә тапшырдык", - диде министр Дәүләт Думасы кулуарларында бирелгән сорауга җавап итеп. 

 

Бүген ТР Дәүләт Советының Бюджет, салымнар һәм финанслар комитеты республика парламенты президиумына 2013 елгы һәм 2014-2015 еллар план чорына ТР бюджеты проектын Татарстан Дәүләт Советы утырышы көн тәртибенә кертергә тәкъдим итте. Комитет утырышында ТР Премьер-министры Илдар Халиков һәм ТР Дәүләт Советы Рәисе урынбасары Александр Гусев катнашты.

Бүген тармак комитеты әгъзалары икенче укылышка әзерләү процессында бюджет проектына тәкъдим ителгән төзәтмәләрне карадылар. Барлыгы 215 төзәтмә тәкъдим ителде, аларның 175 е – республика Хөкүмәтеннән, икесе – ТР Профсоюзлар берлеге федерациясе рәисе Татьяна Водопьяновадан, калганнары – КПРФ фракциясе әгъзаларыннан.

ТР Хөкүмәте белдергән төзәтмәләр турында ТР финанслар министры Радик Гайзатуллин белдерде. Аның сүзләренә караганда, Министрлар Кабинеты тәкъдим иткән төзәтмәләрне 3 блокка бүлеп була. Беренчесе – федераль программаларны финанслау, шулай ук республика чаралары һәм программаларын үткәрү. Икенчесе - чыгымнарны бюджет классификациясе һәм бюджет акчаларын алучылар буенча билгеләү. Өченчесе – редакцион характердагы төзәтмәләр.

РФ Финанс министрлыгы 2012 ел нәтиҗәләре буенча бюджет ТТП 0,1-0,2% дәрәҗәсендә профицитлы булырга мөмкинлеген кире какмый. Бу турыда журналистларга РФ финанслар министрының беренче урынбасары Татьяна Нестеренко хәбәр итте.

 

ТРда бүгенгә 1 миллион 917 мең кв.метр фатир сафка бастырылган, бу еллык биремнең 77 процентын тәкшкил итә. Бу хакта бүген ТР Премьер-министры Илдар Халиков уздырган ТР Хөкүмәт Йортындагы киңәшмәдә белдерелде. Чара видеоконференция режимында үтте.

ТР төзелеш, архитектура һәм торак-коммуналь хуҗалыгы министры Ирек Фәйзуллин хәбәр итүенчә, 16 муниципаль берәмлек торакны сафка бастыру буенча планны тулы күләмдә башкарган (Әгерҗе, Аксубай, Апас, Балтач, Буа, Югары Ослан, Биектау, Кайбыч һ.б.).

"ТАНЕКО" нефть эшкәртү комплексының беренче чиратының тулы технологик циклы тулаем күләмендә эшли. Бу турыда журналистларга Татарстан Республикасы Президенты Рөстәм Миңнеханов "ТАНЕКО"да узган республика төзелеш штабы утырышы буенча йомгакта белдерде.

Көн саен 20-21 мең тонна нефть эшкәртелә. Максатлы продуктлар чыгару 73 проценттан узды, ачык төсле продуктлар 50 проценттан артык.

Россия Федерациясендә 2012 елның 1 декабреннән нефтькә экспорт пошлинасы 8 долларга кимеп тоннасы өчен 396,5 доллар тәшкил итәчәк.

Хәзерге вакытта нефтькә экспорт пошлинасы тоннасы өчен 404,5 доллар. "Прайм" агентлыгына РФ Финанс министры белгече Александр Сакович хәбәр итүенчә, 2012 елның 15 октябреннән 14 ноябренә хәтле вакыт эчендә  мониторинг күрсәткәнчә, урта бәя баррель өчен 108,8687 доллар тәшкил итте.

Шулай итеп, РФ Хөкүмәте пошлинаны 0,60 коэфиициент нигезендә санаудан чыгып, пошлинаны тонна өчен 396,5 доллар дир билгеләрдер, мөгаен.