ЯҢАЛЫКЛАР
2014 елның 1 гыйнварыннан сәламәтлек саклау учрежденияләрендә беренчел звенодагы табиб-белгечләрнең хезмәт хакын арттыру һәм кадр составын ныгыту буенча чараларны тормышка ашыру кысаларында түләүләр түбәндәгечә арттырылды:
- табиб-терапевтларга, участок табиб-педиатрларына, гомуми тәҗрибә табибларына (гаилә табиблары) - 10 000 сумнан 15 000 сумга кадәр;
- махсус белгечләргә - 4 800 сумнан 7 300 сумга кадәр.
2014 елның 30 гыйнварында Премьер-министр Дмитрий Медведев уздырган киңәшмәдә мәктәпкәчә белем бирү буенча җирле системаларны яңартуга субсидияләрне төбәкләр арасында бүлү буенча карар кабул ителде. 2014 елда Россиянең 50 субъектына 10 миллиард сум акча юнәлдереләчәк. "Акчалар биналарны заманча стандартларга туры китереп салу, үзгәртеп салу, ремонт ясау һәм җиһазландыруга тотылачак, - дип искә төшерде Министрлар кабинеты башлыгы. - Әлбәттә, аларны игътибар белән һәм кысып тотарга кирәк. Янәдән төбәкләрдәге хезмәттәшләремә мөрәҗәгать итәм: балалар бакчаларын чиратны бетерү өчен федераль бюджеттан саллы акча бирелә, сездән сыйфатлы һәм үз вакытында эш таләп ителә."
Россия Хөкүмәте Россия Федерациясе субъектларына чыгым йөкләнмәләрен финанслашу буенча Федерация бюджетларына федераль бюджеттан ярдәм йөзеннән 2014 елда биреләчәк субсидияләрне бүлүне раслаган:
- нәселле терлек үстерү (ит юнәлеше буенча эре мөгезле нәселле малдан башка) 3 325,0 млн. сум күләмендә. Татарстан Республикасына бирелүче субсидия 77,7 млн. сум тәшкил итә.
- ит юнәлеше буенча эре мөгезле нәселле мал өчен 380,0 млн. сум. Татарстан Республикасына бирелүче субсидия күләме 0,275 млн. сум.
Килешүдә ике якның да тимер юл транспорты өлкәсендәге хезмәттәшлеге, шул исәптән тимер юлларда пассажирлар һәм авыр йөк ташуның үсеше, Татарстан Республикасы территориясендә тимер юл инфраструктурасын үстерү, боҗра тимер юлларын, транспорт-күчереп утырту төеннәрен оештыру буенча инвестиция проектларын гамәлгә ашыру һәм “Мәскәү – Казан – Екатеринбург” югары тизлекле тимер юл магистрале төзелешендә һәм проектлауда бергә эшләү каралган.
ТР Мәгълүматлаштыру һәм элемтә тармагының 2013 елдагы эш нәтиҗәләре һәм 2014 елга бурычлары турында ТР мәгълүматлаштыру һәм элемтә министры Роман Шәйхетдинов доклад ясады. Беренче чиратта ул дәүләт һәм муниципаль хезмәтләрне электрон рәвештә күрсәтү системасының үсеше хакында хәбәр итте. Дәүләт һәм муниципаль хезмәтләрне электрон рәвештә күрсәтү инфраструктурасы хәзерге вакытта 314 инфоматлардан, дәүләт хезмәте порталыннан, call-үзәктән тора. Роман Шәйхетдинов сүзләренчә, 2014 елга төп бурыч- электрон рәвештә 40 млн дәүләт хезмәте күрсәтү.
Татарстан Республикасы юллар хуҗалыгы һәм транспорт министры Ленар Сафин үз нотыгында 2014 елда республика транспорт тармагы алдында торган бурычларга тукталды. Җәмәгать транспорты өлкәсендә ул автомобиль транспорты йөртүчеләрне комплекслы әзерләү системасын булдырырга һәм аларның рус телен, юл хәрәкәте кагыйдәләрен белелүләренә тест уздырырга тәкъдим итте. Казан җир өсте һәм җир асты электр транспорты техникумы базасында ресурсларның сертификацион үзәген булдыру тәкъдим ителә. Уку һәм квалификация арттыруга җәмәгать транспортының барлык персоналын да җибәрү тәкъдим ителә.