Федерация Советы федераль бюджетның 2018 елда үтәлеше турындагы хисапны раслады

Федерация Советы чәршәмбе көн утырышында федераль бюджетның 2018 елда үтәлеше турында хисапны раслады.

Бюджет керемнәр буенча 19,454 трлн. сум күләмендә, чыгымнар буенча - 16,713 трлн. сум, керемнәрнең чыгымнардан 2,741 трлн. сумга артуы белән үтәлгән. Керемнәр суммасы 2018 елга фаразда каралганга караганда 506,8 млрд сумга (2,7%) күбрәк булып чыккан.

"2018 елда бюджетны үтәү традицион Россия экспортының төп товарлары буенча дөнья базары конъюнктурасының яхшыруы, рубль курсының көчсезләнүе, шулай ук "Юралс" маркалы нефтькә бәяләрнең беренчел фараз күрсәткечен – 1,6 тапкыр – шактый зур күләмдә арттыру дәвам итү шартларында гамәлгә ашырылды", - дип билгеләде Федерация Советы бюджет һәм финанс базарлары комитеты рәисе урынбасары Елена Перминова.

2018 елда Россия Федерациясе субъектларының берләштерелгән бюджетларының керемнәре 12,392 трлн сум (2018 елда тулаем эчке продуктның күләменә 11,9%) һәм РФ субъектлары һәм җирле бюджетлар турындагы тиешле законнар белән расланган керемнәр буенча еллык бюджет билгеләнешләренә карата 105,2% тәшкил иткән.

РФ тулаем эчке продукты 103,875 трлн сум тәшкил иткән (2018 елга бюджет турындагы закон белән бу сумма 101,164 трлн сум дип билгеләнгән), еллык инфляция 4,3% тәшкил иткән.