Дәүләт Думасы комитеты 2020-2022 елларга федераль бюджет проектын II укылышка хуплады

Дәүләт Думасының Бюджет һәм салымнар комитеты парламентның түбәнге палатасына 2020 елга һәм 2021-2022 елларның планлы чорына федераль бюджет проектын икенче укылышта кабул итәргә тәкъдим итте. Дәүләт Думасы документны 19 ноябрьдә утырышта караячак.

Дәүләт Думасының бюджет һәм салымнар комитеты башлыгы Андрей Макаров ассызыклаганча, документның икенче укылышына 600 дән артык төзәтмә кергән, алар тарафыннан 740 млрд сумны яңадан бүлеп бирергә тәкъдим ителә.

"2020 елда бу 290 млрд сум, 2021 елда - 233 млрд [сум] һәм 2022 елда - 219 млрд (сум), якынча 220 [млрд сум). Барлыгы 740 млрд сумнан артык", - дип билгеләп үтте Макаров. Илкүләм проектларны гамәлгә ашыру кысаларында 2019 елда 100 млрд сумга якын, 2020 елда 112 млрд сум һәм 2021 елда 100 млрд сум күләмендә чаралар яңадан бүленә, дип аныклады ул.

Хөкүмәт төбәкләр бюджетларын реструктуризацияләүгә төзәтмәләр тәкъдим итте, дип белдерде комитет башлыгы. "Чараларны яңа проектларга инвестицияләүгә җибәрә алсынга субъектлар бюджетларының чараларын азат итү максатыннан, хөкүмәт тарафыннан кредитларны реструктуризацияләү мөмкинлеге белән бәйле төзәтмәләр тәкъдим ителде", - дип билгеләп үтте Макаров.

Өстәмә рәвештә 2020 елда гомуми суммасы 1 трлн сумнан артык булган, 2021 елда 926 млрд сум һәм 2022 елда 926 млрд сумга 46 бюджетара трансферт бүленгән.

Үз чиратында, Финанс министрлыгы башлыгының беренче урынбасары Татьяна Нестеренко билгеләп үткәнчә, бюджетка хөкүмәт төзәтмәләренең беренче төркеме илкүләм проектларны һәм магистраль инфраструктураны киңәйтүнең комплекслы планын тәэмин итү, икенче төркем - Хисап палатасы искәрмәләре нигезендә классификация кодлары буенча кайбер чыгымнарның чагылышын ачыклау белән, ә өченчесе - беренче укылышта бюджетны формалаштырганда резервланган ассигнованиеләрне бүлү белән бәйле.