Рөстәм Миңнеханов торак капиталь ремонтын финанслау системасын реформалаштыру буенча киңәшмәдә катнашты

2012 елның 1 ноябре, пәнҗешәмбе
Бүген Татарстан Республикасы Президенты Рөстәм Миңнеханов торак капиталь ремонтын финанслау системасын реформалаштыру буенча киңәшмәдә катнашты.

Киңәшмәне РФ Хөкүмәт Рәисе Дмитрий Медведев үткәрде.

Дмитрий Медведев белдергәнчә, йортларны, подъездларны, ишегалларын төзекләндерү коммуналь хезмәтләр эше. Йортларда капиталь ремонт үткәрү федераль Хөкүмәт, төбәкләр һәм муниципалитетлар алдына куелган бурыч.

2012 елның 1 гыйнварында илдә 10 миллион кв. метрдан артык торак авария хәлендә дип табылды, дип искәртте РФ Хөкүмәт Рәисе.

Киңәшмәдә катнашучылар ике закон проектын карады. Аларның берсе – Торак кодексына үзгәрешләр кертү һәм күп фатирлы йортларны финанслауга юнәлдерелгән башка закон актлары.

Икенче закон проекты торак-коммуналь хуҗалыкны реформалаштыруга ярдәм итү фондына кагыла. Дмитрий Медведев фондның яхшы эшләвен билгеләп үтте.

“Күптән түгел узган киңәшмә федераль бюджеттан өстәмә керемнәрне файдалануга багышланган иде, агымдагы елда аны финанслауга тагын 20 млрд. сум юнәлдерү турында карар кабул иттем, - диде Д.Медведев.


БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International