Михаил Мишустин икътисад үсеше темпларын арттыруга ирешү бурычын куйды

Яңа Министрлар Кабинеты Россия икътисады үсеше темпларын арттыруга ирешергә тиеш, моның өчен башта эшкуарлык климатының җитди үзгәрешләренә ирешергә һәм яңа инвестиция климатын формалаштырырга кирәк, дип белдерде РФ Хөкүмәте рәисе Михаил Мишустин.

Президентның Мишустинны Премьер итеп билгеләү турындагы Указы узган пәнҗешәмбе, 16 гыйнварда, Дмитрий Медведев Хөкүмәте тулы составта отставкага киткәннән соң чыкты. Элегрәк сишәмбе көнне министрларның яңа кабинеты билгеләнгән иде.

"Президентның, безнең кешеләрнең ышанычын ничек аклау турында безнең эшнең барлык этапларында да төгәл уйлавыбызны телим. Хәтта булган катлаулы шартларда да безгә бик зур бурычлар белән очрашырга туры килде. Иң мөһиме, президент әйткәнчә, Хөкүмәтнең элеккеге әгъзалары тарафыннан алга таба үсеш өчен бүген тотрыклы макроикътисади вәзгыять булдырылган. Мин ышанам, без үз эшебездә бу хәлгә таяначакбыз", - диде ул Министрлар Кабинеты белән очрашуда.

"... Шик тә юк, без икътисадның үсешен күтәрүгә ирешергә тиеш, аннан башка бернинди нәтиҗәләргә дә ирешеп булмый, бигрәк тә социаль өлкәдәге нәтиҗәләргә. Моның өчен башта эшкуарлыкта климатның җитди үзгәрешләренә ирешергә һәм яңа инвестицион климат эшләтеп җибәрергә кирәк", - дип өстәде Мишустин.