Рөстәм Миңнеханов: 2012 елның 9 аенда Татарстан нефтьчеләренең барлык дәрәҗә бюджетка керткән түләү күләме 10 миллиард евро тәшкил иткән

2012 елның 30 ноябре, җомга
Бүген ТР Президенты Рөстәм Миңнеханов Әлмәттә агымдагы елның 9 аена Татарстан нефть тармагы эше нәтиҗәләре буенча киңәшмә уздырды.

ТР Президенты нефтьчеләргә ТР һәм Россия социаль-икътисади үсешенә өлеш керткәннәре өчен, рәхмәт белдерде. Ул хәбәр иткәнчә, ТР нефтьчеләренең 9 айга барлык дәрәҗә бюджетларга салым түләүләре 10 миллард евро булган. Аларның 90 проценты федераль бюджетка туры килә.

Рөстәм Миңнеханов Россия буенча нефть чыгаруда Татарстан һәм “Татнефть” ААҖнә якынча 6,5 процент туры килүен билгеләде.

Бүген “Татнефть” ААҖ буенча бер уңайдан нефть газын утильләштерү дәрәҗәсе 98 проценттан артып киткән.

ТР Президенты сүзләренчә, республикада нефть чыгаруның яңа технологияләрен куллануга бәйле рәвештә, нефть чыгару стабильләшкән һәм үсә бара.

Ул шулай ук нефтьчеләрнең республиканың социаль өлкәсенә зур өлеш кертүләрен, шулай ук үз акчаларына "ТАНЕКО” ААҖ заводларын төзүләрен билгеләде.

Рөстәм Миңнеханов алга таба да нефтьчеләргә республиканың дәүләт хакимияте органнары тарафыннан бар яктан да кирәкле ярдәм күрсәтеләчәген белдерде.

ТР Президенты матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International