Татарстан җәмәгатьчелеге Шамил Мостаев белән хушлашты

2012 елның 3 декабре, дүшәмбе
Бүген ТР Дәүләт Советы бинасында танылган дәүләт һәм җәмәгать-сәясәт эшлеклесе Шамил Әсгат улы Мостаев белән хушлашу булды.

Хушлашу тантанасында ТР Дәүләт Киңәшчесе Минтимер Шәймиев, ТР Премьер-министры Илдар Халиков, ТР Президенты Аппараты җитәкчесе Юрий Камалтынов, Дәүләт Советы Рәисе урынбасарлары Александр Гусев һәм Римма Ратникова, ТР Дәүләт Советы секретаре Лилия Маврина, Президиум вәкилләре һәм республика парламенты депутатлары, министрлыклар һәм ведомтсволар хезмәткәрләре, мәрхүмнең туганнары һәм якыннары, җәмәгатьчелек вәкилләре катнашты.

Чараны Александр Гусев алып барды. “Шамил Әсгат улының вафат булуы – ул туганнарның һәм якыннарның кайгысы гына түгел, ул Татарстанның барлык җәмәгатьчелеге өчен авыр югалту, - дип билгеләде ТР Дәүләт Советы Рәисе урынбасары. – Ул республикабызның социаль-икътисади үсеше өчен бик күпне эшләде, бигрәк тә, парламентаризмның үсеше өчен. Искиткеч оештыручы, ачык кеше, ул озын матур тормыш кичерде һәм үзен лаеклы һәм намуслы җитәкче, кеше буларак күрсәтте”.

Александр Гусев, кызганычка каршы, бүгенге хушлашуда ТР Президентының һәм ТР Дәүләт Советы Рәисенең катнаша алмауларын хәбәр итте, алар - хәзерге вакытта җаваплы эш сәфәрләрендә.

Беренче булып, ТР Дәүләт Киңәшчесе Минтимер Шәймиев сүз әйтте. Ул игътибарлы булулары һәм кайгыртучанлыклары белән Шамил Мостаев тормышының соңгы елларын бизәгән өчен, балаларына һәм оныкларына рәхмәтен белдерде. “Ул намуслы эшләп килде, яшьтән үк күреп алынды, Буа районының “Марс” колхозында эшен башлап, республикабыз җитәкчеләренең берсе – Югары Совет Президиумы Рәисе вазыйфасына барып җитеп, озак хезмәт юлын үтте. Ул шул тормыш шартларында эшли алырлык барын да башкарды. Безгә барыбызга да монда булуыбыз өчен, рәхмәт. Авыр туфрагы җиңел булсын”.

ТР Дәүләт Советы Рәисе урынбасары Римма Ратникова сүзләренчә, Шамил Мостаевка Югары Советта эшләү дәвамында иң авыр чорларның берсе туры килгән. “Ул вакытта җәмәгатьчелек тарафыннан катлаулы мәсьәләләр күтәрелде. Әлбәттә, Татарстан җәмгыятенең нигезенә беренче ташлар салынды. Бу мәсьәләләр чишелә һәм киләсе буыннар тарафыннан чишеләчәк”, - дип билгеләде ул.



Вице-спикер сүзләренчә, Шамил Мостаев парламентның тугъры ветераны булган, Дәүләт Советының бер генә утырышын да калдырмаган. Бары тик сәламәтлегенең начарлануы аркасында, соңгы парламент сәссияләрендә була алмаган. Римма Ратникова Дәүләт Советы Рәисе, Президиум һәм парламент депутатлары исеменнән Шамил Мостаевның туганнарына һәм якыннарына, хезмәттәшләренә кайгыларын уртаклашу сүзләрен белдерде.

ТР финанслар министры урынбасары Марат Фәйзрахманов республиканың зур финанс хезмәткәрләре коллективы исеменнән туганнарының һәм якыннарының кайгыларын уртаклашты. Ул Шамил Мостаевның ТАССР Финанслар министрлыгын 15 ел җитәкләү дәверендә республиканың бер төркем финанс эшчеләрен тәрбияләвен ассызыклады. “Безнең өчен ул һәрвакыт остаз булып калачак”, - дип ассызыклады Марат Фәйзрахманов.

ТР Профсоюзлары федерациясе рәисе, Дәүләт Советы Президиумы вәкиле Татьяна Водопьянова билгеләвенчә, республика профсоюз оешмасы өчен, Шамил Мостаев якын кешегә әйләнгән булган.

“Аралашуда гади булуы белән ул кешеләрне һәрвакыт ачык йөз белән каршы алды”, - дип Шамил Мостаев турында фикерен әйтте аның элеккеге хезмәттәше, ТАССР Югары Советы Президиумы секретаре Дания Дәүләтшина.

Мәрхүмнең соңгы теләге буенча, ул ТРның Буа муниципаль районында җирләнеләчәк.
ТР Президенты матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International