Рөстәм Миңнеханов: "Төркия белән Татарстан бер-берсе белән кызыксына"

2012 елның 3 декабре, дүшәмбе
Татарстан һәм Төркия компанияләренең уртак хезмәттәшлеккә зур кызыксынуы бар, һәм Төркия Республикасы, Татарстан хакимиятләре эшлекле элемтәләр үсешенә ярдәм итәргә әзер. Бу хакта бүген ТР Президенты Рөстәм Миңнеханов Төркия Тышкы элемтәләр комитеты, Төркия-Россия эшлекле советы һәм Төркия бизнес-даирәләре вәкилләре белән эшлекле иртәнге аш барышында белдерде.

Очрашу Истанбулда Рөстәм Миңнехановның Төркия Республикасына эшлекле сәфәре кысаларында узды.

Очрашны ачканда, Рөстәм Миңнеханов Төркия белән Татарстанның бик күп уртак проектлары булуын билгеләде. “Мин партнерларыбызга ачык һәм безнең белән эшләргә әзер булулары өчен, рәхмәтлемен”, - дип ТР Президенты очрашуда катнашучыларга мөрәҗәгать итте.

Р.Миңнеханов күптән түгел республика делегациясенең Бурсуда булуын, анда автокомпонентлар буенча форум узуын хәбәр итте. Киләсе форум инде Татарстанда, Яр Чаллы шәһәрендә узачак.

Ул Төркиянең Татарстанның алдынгы чит ил партнерларының берсе булуын билгеләде. “Без инде “Алабуга” МИЗда гына да Төркиянең 4 эре проектына ия, - дип искәртте Рөстәм Миңнеханов. – Инвестицияләрнең күләме – 1 миллиард доллар. Һәм 2013 нче елның сентябренә инде ике завод сафка басарга тиеш”.

Татарстанда чит ил капиталы катнашында теркәлгән уртак предприятиеләр саны - 380 компания - буенча Төркия беренче урында тора. Рөстәм Миңнеханов фикеренчә, бу сан әле артырга тиеш.

Ул Татарстан өчен Төркия белән хезмәттәшлекнең Төркия төзүчеләрен җәлеп итүдән башланганлыгын искәртте. “Төркия төзелеш бизнесы безнең төзүчеләрне ничек эшләргә кирәклеген өйрәтте. Һәм бүген иң җаваплы объектлар безнең Төркия компанияләре ярдәмендә төзелә”, - дип хәбәр итте ТР Президенты.

Шулай ук Рөстәм Миңнеханов Татарстан икътисадына “Эфес” Төркия компаниясенең дә өлеш кертүен билгеләде. “Мин безнең мондый уртак проектлар күп булырга тиеш, дип саныйм, - дип мөрәҗәгать итте ТР Трезиденты Төркия бизнесменнарына. – Татарстан – сез РФ масштабында ышанычлы һәм тыныч күңел белән эшли ала торган урын”.

ТР Президенты хезмәттәшлек итүгә Төркия партнерлары ягыннан һәм ТР предприятиеләре ягыннан да уртак кызыксынуның булуын ассызыклады.

Рөстәм Миңнеханов Татарстан һәм Төркия хезмәттәшлегенең өстенлекле юнәлешләре рәтендә IT өлкәсендә, туклану продуктлары җитештерүдә һәм эшкәртүдәге багланышларны атады. “Безнең элемтәләрне агросәнәгать комплексында үстерергә кирәк, алар әлегә юк. Безнең бу өлкәдә булган мөмкинлекләр әлегә начар тормышка ашырыла” , - дип саный ТР Президенты.

Шулай ук, аның сүзләренчә, Россиядә җиңел сәнәгать юк диярлек, һәм аны үстерергә кирәк, шул исәптән, Татарстанда да. Бу юнәлеш тә Төркия белән хезмәттәшлек өчен кызыклы булыр иде, дип хәбәр итә ТР Президенты матбугат хезмәте.

Рөстәм Миңнеханов фикеренчә, хәзер нанотехнологияләр зур потенциалга ия. “Мин бу юнәлештә безнең фәнни һәм мәгариф мөмкинлекләребезне берләштерергә кирәк, дип саныйм”, - дип белдерде ул.
ТР Президенты матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International