Иртәгә Казанда финанс министрлыгы, салым һәм казначылык органнарының берләштерелгән коллегиясе узачак

Татарстан Республикасында авыл торак пунктларына, я эшчеләр поселокларына, я шәһәр тибындагы поселокларга, я 50 меңгә кадәр халкы булган шәһәрләргә эшкә килгән (күченгән) укытучыларга бер мәртәбә бирелә торган компенсация түләүләрен гамәлгә кую чараларын тормышка ашыру дәвам итә. Бер мәртәбә бирелә торган компенсация түләве күләме 1 млн.сум тәшкил итә.

«Озын һәм актив тормыш» илкүләм проектының «С гепатитына каршы көрәш һәм әлеге авыруның таралу куркынычын киметү» федераль проекты кысаларында 2026 елда «хроник вируслы гепатиты C» диагнозы белән диспансер күзәтүендә булган затларны амбулатор шартларда вируска каршы дару препаратлары белән тәэмин итү чараларын гамәлгә ашыру дәвам итә.

Татарстан Республикасы Бөек Ватан сугышында Җиңүнең 81 еллыгына багышланган «Хәтер бакчасы» халыкара акциясендә катнашты. Быел акция аеруча әһәмиятле булды, чөнки ул шулай ук Татарстанда игълан ителгән Хәрби батырлык һәм хезмәт фидакарьлеге елы һәм Россия халыклары бердәмлеге елы кысаларында уза.

Татарстан Республикасы Биектау муниципаль районының Биектау тимер юл станциясе поселогында яңа янгын депосы базасында «Татарстан Республикасы янгыннан саклау» дәүләт казна учреждениесенең аерым янгыннан саклау постын булдыру һәм аның эшләвен тәэмин итү максатларында 2026 елда Татарстан Республикасы бюджетыннан Татарстан Республикасы Гражданнар оборонасы эшләре һәм гадәттән тыш хәлләр министрлыгына 28,9 млн.сум күләмендә чаралар бүлеп бирелде.