Татарстанга 65,5 млрд. сум РФ кредитын түләүне 10 елга кичектерделәр

Бүген РФ финанслар министры Антон Силуанов һәм ТР Президенты Рөстәм Миңнеханов катнашкан ТР Финанслар министрлыгы, Федераль салым хезмәтенең ТР буенча Идарәсе һәм Федераль казначылыкның ТР буенча Идарәсенең уртак коллегиясендә ТР финанслар министры Радик Гайзатуллин ТР бурычларын кичектерү турында федераль дәрәҗәдә карар кабул ителүен белдерде.
Министр сүзләренә караганда, 2012 ел нәтиҗәләре буенча ТР белән муниципаль берәмлекләрнең бурычы 116,3 млрд. сум, ә ТР Дәүләт бурычы 85,2 млрд. сум тәшкил итә. Бурыч структурасында төп өлешне, ягъни 77 процентны кредит тәшкил итсә, ә 23 процентын - дәүләт гарантияләре.
“Федераль бюджеттан алынган бюджет кредитларының төп өлеше Универсиадага әзерлек һәм үткәрүгә юнәлдерелгән 65,5 млрд. сумлык гомуми кредитның 62 млрд. сумы Универсиада буенча кредитларга туры килә, 2,5 млрд. сумы – корылык нәтиҗәләрен бетерүгә, 800 млн. сум – кече шәһәрләргә ярдәм итү. Бу кредитларны кайтару срогы 2012-2016 елларга туры килә, ел саен түләүләр уртача 10 млрд.-20 млрд. сум тәшкил итә. ТР бурычларын кичектерү турында федераль дәрәҗәдә карар кабул ителде”, дип белдерде ул.
Рөстәм Миңнеханов Антон Силуановга бу карар өчен рәхмәт белдерде. “10 елдан соң ул андый акча булмаячак. Әмма без дә бурычка яшәргә ярамаганлыгын белергә тиеш. Бу безне чикләячәк. Бар тик күбрәк эшли башларга кирәк. Бу уңайдан безнең тауар җитештерүчеләргә мөрәҗәгать итү зарур”, - диде ул.