Татарстан Республикасы Финанс министрлыгы

Рөстәм Миңнеханов iCarnegie Learning University белән Иннополис университеты арасында меморандум имзалауда катнашты

2012 елның 21 декабре, җомга

Бүген ТР Хөкүмәт йортында iCarnegie Learning University һәм Иннополис ИТ-университеты килешү турында меморандум имзалады. Бу тантанада Татарстан Республикасы Президенты Рөстәм Миңнеханов катнашты.
Документка iCarnegie директоры Гил Таран һәм Иннополис ИТ-университеты директоры Дмитрий Кондратьев имза куйды.
Рөстәм Миңнеханов һәм Carnegie Mellon (США, штат Пенсильвания) университеты вәкилләре Иннополис инновацион шәһәре террриториясендә ИТ-университет төзү буенча чираттагы адымнар, шулай ук Carnegie Mellon университеты белән элемтә мәсьәләләре буенча фикер алыштылар.
Рөстәм Миңнеханов 2012 елның сентябрендә Татарстан Республикасы делегациясенең Питтсбургка (АКША, Пенсильвания штаты) визитын оештырулары өчен рәхмәт белдерде.
“Без эш итү мәсьәләләрен билгеләдек, - диде Рөстәм Миңнеханов. Хәзер билгеләнгән максат өчен эшләү мөһим, 2013 елда без Иннополис университетында белем бирү процессын башларга, беренче студентларны җыярга тиеш”.
ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов кичә Мәскәүдә Carnegie Mellon университеты вәкилләре белән Россия Хөкүмәт Рәисе урынбасары Аркадий Дворкович һәм Россия элемтә һәм массакүләм коммуникацияләр министры Николай Никифоров очрашты диде. Анда “Иннополис” проекты өстендә эшләү мәсьәләләре буенча фикер алышканнар.
Гил Таран очрашуда катнашучыларга әзерлек эшләре, шулай ук мәгариф һәм ИТ-тармакта, югары технологияләр тармагы өчен кадрлар әзерләү өлкәсендә тикшеренүләр алып барылуы турында сөйләде. Тикшеренү нәтиҗәләре Иннополис университетының мәгариф концепциясен булдыру эшендә ярдәм итәр дип көтелә. Аның сүзләренә караганда, бүген югары технологияләр тармагында белгечләр җитмәве күзәтелә, шул исәптә 2020 елда тулай эчке продуктны югары технологияләр тармагы үсеше исәбәнә арттыру күздә тотыла.
Carnegie Mellon университеты белән хезмәттәшлек итү, аның белгечләрен Иннополис университеты инфраструктурасын, мәгариф программаларын эшләүгә җәлеп итү мөмкинлеге бирә, дип искәртте Роман Шәйхетдинов. Ул Иннополис университетын үстерүгә бизнесны, эре пердприятиеләрне һәм компанияләрне, шулай ук Татарстан һәм Россия ИТ-компанияләрен җәлеп итү мөһим, алар вузга үз белгечләрен җибәрер иде, дип билгеләп үтте.

ТР Президенты матбугат хезмәте

БАРЛЫК ЯҢАЛЫКЛАРНЫ УКУ