Татарстан Республикасы Президенты: “Төзелеш эшләрен мөмкин кадәр үз көчебез белән башкарырга кирәк “

2013 ел стартына әзерләнергә һәм барлык төзелеш эшләрен апрель азагында башларга кирәк.  Татарстан Республикасы  Президенты Рөстәм Миңнеханов ТР Хөкүмәте Йортында уздырылган традицион республика киңәшмәсендә шундый йөкләмә бирде. Бу чарада шулай ук ТР Премьер-министры Илдар Халиков та катнашты.    
Татарстан Президенты билгеләп үткәнчә, республикада төзелешкә барлык объектларда да төзелеш эшләренең 50-60 процентын  үз көчләре белән башкаручы генподрядчыларны җәлеп итәргә кирәк. Субподрядчыларны үз эшләрен башкаруга җәлеп итә торган компанияләрне чакыруга ук акча чаралары белән махинацияләр башлана, ди ул.
“Без бер мизгелдә бу схемалар аркасында үзебез дә сизмәстән җинаятьчеләргә әверелергә мөмкин, мондый схемалар буенча подрядчы субподрядчыларга акчаны янга җибәрергә рөхсәт биргән очракта, кайчан да булса җавап бирергз туры киләчәк. Без үзебезне мондый кырын куллылыктан саклап калырга тиеш, барлык бу компанияләр – бер көнлек. Хәзерге вакытта акчаларның кая тотылуын тикшерү буенча зур эш алып барыла, ә ялган схемалар буенча эш итү беркемне дә яхшылыкка китергәне юк әле”, - дип мөрәҗәгать итте Р.Миңнеханов киңәшмәдә катнашучыларга.   
“Кешеләр җинаятьчел гамәлләргә җәлеп ителәләр дә соңыннан гаеплеләрне эзли башлыйлар, ә карарлар кабул итүче затлар сез бит. Безнең подрядчылар мөмкин кадәр эшләрне үз көчләре белән башкарырга тиеш, никтер кешеләр нәтиҗәләре турында уйланмыйлар, боларның барысы өчен дә җавап бирергә туры киләчәк бит”, - диде Р.Миңнеханов. Аның фикеренчә, акчалар бит чит илләргә чыгарылган кебек үк,  деструктив структураларны финанслауга да тотыларга мөмкин.
“Без мондый хәлләрне булдырмый калырга тиеш, боларга киртә куярга кирәк. Безнең уенчылар тотырыклы, һәм ят схемалар кулланучылар белән эш итүдән читләшергә кирәк. Кешеләр үз көчләре белән башкарылган схемаларда акча эшли алырга тиеш. Төзелеш комплексы ят схемалар белән зарарланган, болар бар да бер көнлек компанияләр, һәм безнең төп таләбебез – төзелеш эшләрен һәркемгә ачык булган субподрядчылар белән һәм мөмкин кадәр үз көчебез белән башкару”, - дип азсызыклады республика башлыгы.   
Р.Миңнеханов торак-коммуналь хезмәтләр күрсәтүче оешмалар магълүматының ачык булуы зарурлыгына аерым  тукталды. “Бу кешеләр башкалар акчасыннан  файдалана алмасын өчен дә кирәк. Бер кем дә бер кая да китә алмаячак. Без барыбер мәгълуматның ачык булуына ирешәчәкбез”, - дип белдерде ТР Президенты.  
Аның әйтүенчә торак-коммуналь хуҗалык проблемаларына бик җидти игътибар бирергә кирәк. “Бу бүген дә, иртәгә дә безгә тәнкыйть белдерә торган тармак булып калачак, анда намуслы кешеләр эшли башламыйча – бернинди дә тәртип булмаячак”, - дип сүзен йомгаклады Р.Миңнеханов. 
Төп нотык белән Татарстан Республикасы төзелеш, архитектура һәм торак-коммуналь хуҗалык министры Ирек Фәйзуллин чыгыш ясады. Аның белдерүенчә, бүген 811 йортның 103енә әлегә кадәр проект-смета  документациясе юк.
Дәүләт торак инспекциясе белешмәләренә караганда, эш 314 йортта -  36 муниципаль берәмлектә башланган. Бүгенге көнгә 2013 ел программасы финансланмаган әле, чөнки ТКХ фондына финанс ярдәме лимитлары җиткерелмәгән, республика программасы расланамаган.  2013 елның 28 февраленә кадәр план буенча ГИСУ счетына 124,65 млн. сум күчерелгән, бу  аена 68,5 процент тәшкил итә. 
Модульле ФАПлар төзү буенча бугенге көнгә 68 мәйданчык эзерләнгән, 29 фундамент монтажланган; Апас районында ФАПны монтажлау тәмамланып килә. 300 ФАПка капиталь ремонт башланды – 25 районның 107 объектында,  27 амбулаториядә  -  11 районның 13 объектында, шулардан  7 участок сырхаухәнәсе -  6 районның 6  объектында.
Мәктәпләргә капиталь ремонт 30 муниципаль берәмлекнең 84 мәктәбендә башланды.