Татарстан Республикасы Финанс министрлыгы

Татарстан Россиядә торакны сафка бастыру буенча лидер булды

2013 елның 9 марты, шимбә

Бүгенгә Татарстанда 595,3 мең кв.м торак сафка бастырылган, бу - еллык биремнең 25 процентын тәшкил итә. Бу хакта бүген ТР Хөкүмәт Йортында үткән киңәшмәдә төзелеш, архитектура һәм торак-коммуналь хуҗалыгы министры Ирек Фәйзуллин хәбәр итте. Киңәшмәне ТР Президенты Рөстәм Миңнеханов уздырды, анда шулай ук ТР Премьер-министры Илдар Халиков катнашты.
Дәүләт статистикасы федераль хезмәте (РОССТАТ) 2013 нче елның гыйнварына торакны сафка бастыру буенча нәтиҗәләр ясаган. ТР 381,1 мең кв.м күләме белән РФ һәм Идел буе федераль округында торакны сафка бастыру буенча 1 нче урын яулаган.
Социаль ипотека программасы буенча 127,3 мең кв.м мәйданлы 2247 фатирлы 25 йорт сафка бастырылган.
Бүген 99 күп фатирлы инвестицион торак йортларның 60 йорты югары әзерлек дәрәҗәсендә, 16 - уртача, 23 йорт - түбән дәрәҗәдә.
Аз катлы төзелеш, индивидуаль торак төзелеше өлкәсендә республика буенча 6893 объектның 1538 йорты югары әзерлек дәрәҗәсендә.
Тузган торакны бетерү программасына килгәндә, республикада 427 мең кв.метрдан артыграк төзелеш эшләре таләп ителә. Бу ихтыяҗдан чыгып, Торак-коммуналь хуҗалыгын реформалаштыруга ярдәм итү фонды тарафыннан финанс ярдәме лимитлары билгеләнгән. 2013 нче елга лимит 1 млрд. 461 млн. сум, 2014 нче елга 1 млрд. 458 млн. сум, 2015 нче елга 509 млн. сум булачак. 2013-2015 нче елларга фондка финанс ярдәме 3 млрд. 429 млн. сум тәшкил итәчәк.
ТР Министрлар Кабинеты йөкләмәсе нигезендә 2013 нче елга "Авыл клублары" программасы расланган, ул үз эченә 46 объектны ала.
И. Фәйзуллин хәбәр итүенә, бүгенгә 40 объектта эш оештырылган, шул исәптән, 10 объектта әзерлек эшләре бара, 20 объектта фундамент салына, 8 объектта диварларга кирпеч өелә, 1 объектта диварлар төзелеп беткән, фермалар җыю буенча әзерлек эшләре бара, 1 объектта түбә яба башлаганнар.

"Татар-информ" ИА

БАРЛЫК ЯҢАЛЫКЛАРНЫ УКУ