Торакны гадәттән тыш хәлләрдән иминләштерү программалары 47 төбәктә гамәлгә кертеләчәк
Торакка китерелгән зыянны каплау программасын ирекле иминләштерү механизмыннан файдаланып эшләү Россия Федерациясенең 47 субъектында планлаштырылган. 25 субъектта программалар эшләү һәм тормышка ашыру өчен җаваплы орган билгеләнгән инде, ә 21 төбәктә эш төркемнәре булдырылган. Бу хакта Финанс министры урынбасары Алексей Моисеев 320-ФЗ номерлы федераль закон нигезләмәләрен торакны гадәттән тыш хәлләрдән иминләштерү турында аңлату буенча Россия Федерациясе субъектлары белән онлайн-киңәшмәдә сөйләде.
Әлеге законның төп максатлары - гадәттән тыш хәл нәтиҗәсендә зыянны каплауга бюджет акчаларын тотуның нәтиҗәлелеген арттыру, шулай ук иминият культурасын һәм гражданнарның үз мөлкәтләре өчен җаваплылыгын күтәрү. Һәр төбәктә гражданнарга ирекле иминият шартнамәсе буенча торакны тулысынча иминият яклавын алырга мөмкинлек бирәчәк программа эшләнергә тиеш. Мондый шартнамәнең бәясе торак биналарны коммерция иминләштерүенә караганда шактый түбәнрәк булырга тиеш», - дип билгеләп үтте Алексей Моисеев. Төбәк хакимият органнарының кызыксынуын арттыру өчен Финанс министрлыгы элегрәк 63н номерлы боерык чыгарды, анда гамәлгә ашыру дефицитлы бюджетлы РФ субъектларының өстәмә чыгымнарын таләп итми торган программаларны эшләү мөмкинлеген күздә тота.
Төбәкләр белән киңәшмә кысаларында Россия Финанс министрлыгы хезмәткәрләре мондый программаларны гамәлгә ашыру тәртибе турында тагын бер кат искә төшерде, аларны эшләүдә методологик ярдәмлек тәкъдим иттеләр, шулай ук законнарның гамәлдәге нигезләмәләрен аңлаттылар һәм төп сорауларга җавап бирделәр.
Киңәшмәдә Россия Федерациясенең 80 нән артык субъекты вәкилләре, Бөтенроссия иминиятчеләр берлеге катнашты.