Дәүләт һәм муниципаль сатып алулар өлкәсендә намуссыз тәэмин итүчеләр реестрын алып баруның яңа кагыйдәләре расланды

Россия Финанс министрлыгы тарафыннан намуссыз тәэмин итүчеләр реестрын алып бару тәртибен комплекслы камилләштерүне күздә тоткан кагыйдәләрне Хөкүмәт раслады.

Аерым алганда, үзгәрешләр түбәндәге:

1) заказчы тарафыннан контроль органга мөрәҗәгать иткәндә сатып алулар өлкәсендә ЕИС кулланып, документлар әйләнешен автоматлаштыру күздә тотыла. Шулай ук беренче тапкыр мондый мөрәҗәгатьне карауның җаваплылыгы беркетелә;

2) мөрәҗәгатьләрнең һәм хәбәрнамәләрнең бердәм рәвешләре кертелә;

3) беренче тапкыр сатып алуда катнашучы, тәэмин итүче (подрядчы, башкаручы) контроль орган тарафыннан реестрга кертелми торган нигезләр билгеләнә;

4) реестр алып барганда җибәрелгән техник хаталарны төзәтү тәртибе билгеләнә. Әйтик, заказчы һәм сатып алуда катнашучы мөрәҗәгатьләрне контроль органга җибәрергә хокуклы, ул аны карарга һәм җибәрелгән хатаны бетерергә тиеш;

5) суд тарафыннан карар кабул ителгән очракта, реестрдан мәгълүматны вакытыннан алда төшереп калдыру тәртибе кертелә, шулай ук аны реестрга кертүгә китергән тәэмин итүче (подрядчы, башкаручы) гамәлләренә йогынты ясый алмаган затларга карата.

Яңа кагыйдәләр үз көченә керүнең башка срогы билгеләнгән аерым нигезләмәләрдән тыш, 2021 елның 1 июленнән үз көченә керде.

Моннан тыш, Россия Федерациясе Хөкүмәтенең 2017 елның 27 ноябрендәге 1428 номерлы "Ил оборонасы ихтыяҗлары һәм дәүләт иминлеге өчен сатып алу үзенчәлекләре турында" карарының гамәлдә булу срогы ярты елга озайтыла. Мондый озайту дәүләт һәм муниципаль ихтыяҗлар өчен сатып алуларны оптимальләштерү турында 2021 елның 2 июлендәге 360-ФЗ номерлы Федераль закон нигезләмәләренең үз көченә керү сроклары белән карарның гамәлдә булу срогын гармонизацияләү өчен кирәк.