2021 елның Мәскәү финанс форумы 8 сентябрьдә узачак
Бишенче Мәскәү финанс форумы 2021 елның 8 сентябрендә "Манеж" Үзәк күргәзмә залында узачак. Форумны Россия Федерациясе Финанс министрлыгы һәм Мәскәү хөкүмәте оештыра.
МФФ-2021 төп темасы - "Россия икътисады: яңа нормальлек шартларында тотрыклы үсеш". Мәйданчыкта катнашучылар пандемиянең Россия һәм дөнья икътисадына йогынтысы, коронавирус сәбәпле дәүләтләргә соңгы елда очрашырга туры килгән кыенлыклар, структур процесслар турында фикер алыша алачак.
Шулай ук фикер алышу өчен актуаль мәсьәләләр арасында - глобаль конкуренция шартларында Россия икътисады һәм финанс базарлары перспективалары, Россиядә инвестиция активлыгын стимуллаштыру мөмкинлекләре, аның ысуллары һәм башкалар. Традиция буенча Форум эшендә федераль һәм төбәк хакимияте, бизнес, иҗтимагый оешмалар һәм берләшмәләр вәкилләре, шулай ук икътисад һәм финанс өлкәсендәге экспертлар катнаша.
Белешмә:
Мәскәү финанс форумы - һөнәри дискуссия өчен уникаль мәйданчык, анда 2016 елдан башлап икътисадый сәясәт, ил финанс системасының озак вакытлы тотрыклылыгы һәм Россия Федерациясе Хөкүмәтенең финанс-икътисадый блогын җайга салу өлкәләре мәсьәләләре турында фикер алышалар. ----------------------------------
Мәскәү финанс форумының 2021 матбугат хезмәте
7 (926) 205 50 06