Татарстан яшьләре үз проектларын гамәлгә ашыруга 81 млн сум алачак

Инновацияләргә ярдәм фондының «Студентлар стартабы» конкурсының беренче дулкынына йомгак ясалды. Беренче дулкында барлыгы 650 җиңүче билгеләнгән. Татарстан Мәскәүдән соң лауреатлар саны буенча икенче төбәк булды. Республикада 81 студент һәм аспирант 1 млн сум күләмендә грант алачак.

Конкурс Россия Мәгариф һәм фән министрлыгы һәм «Университет технологик эшкуарлыгы платформасы» федераль проекты кысаларында инновацияләргә ярдәм фонды тарафыннан уздырыла. Быел конкурска федераль бюджеттан 1 млрд сум акча бүленгән. Конкурсның беренче этабына барлыгы 2,3 мең гариза кергән.

Шулардан эксперт жюри 650 җиңүчене сайлап алды. Бу стартапларның күбесе икътисад һәм сәнәгатьнең барлык тармаклары өчен диярлек цифрлы технологияләр һәм яңа приборлар булдыруга юнәлдерелгән.  Татарстан Республикасы Икътисад министрлыгы Инновацияләргә ярдәм фондының региональ вәкиллеге белән берлектә студентлар проектларын әзерләүдә һәм озатып баруда ярдәм итте, методик һәм консультация ярдәмен, катнашуга заявкалар формалаштыруда ярдәм итте.

Исегезгә төшерәбез, студентлар гаризаларын сайлап алу берничә этапны үз эченә алды, шул исәптән онлайн-форматта яклау. Эксперт жюри составында технологик, базар перспективалары, проектларның конкуренциягә сәләтлелеген һәм квалификациясен бизнес-берләшмәләр, университетлар һәм фәнни оешмалар, акселераторлар һәм федераль проектның башка операторлары вәкилләре бәяләде. Шулай ук 15 июльгә кадәр икенче дулкынга эшләр кабул ителә, шул исәптән конкурсның беренче этабында җиңмәгән катнашучылар да килергә мөмкин. Моның өчен аларга үз заявкаларын эшләп бетерергә һәм ачыкланган кисәтүләрне бетерергә кирәк.