Радик Гайзатуллин: "Агымдагы елда барлык дәрәҗәдәге бюджетларның керем өлеше уңышлы үтәлә"
2022 елның 1 яртыеллыгында республиканың консолидацияләнгән бюджетына 230,5 млрд. сум мобилизацияләнгән. Берләштерелгән бюджетның салым һәм салым булмаган керемнәре 207,3 млрд. сум күләмендә кергән. Республика бюджеты үз керемнәре буенча 181,5 сумга, җирле бюджетлар - 25,8 млрд. сумга үтәлде.
Бу саннарны үз докладында Татарстан Республикасы финанслар министры Радик Гайзатуллин республиканың финанс, казначылык һәм салым органнарының 2022 елның 1 яртыеллыгында берләштерелгән бюджетны үтәү йомгаклары буенча республика киңәшмәсендә китерде.
Татарстан Республикасының берләштерелгән бюджеты чыгымнары 194,8 млрд. сум тәшкил итте. Республика бюджеты чыгымнары 165,8, җирле бюджетлар - 67,3 млрд. сум тәшкил иткән.
Ел башына бюджет акчаларының калган өлеше һәм 1 яртыеллыкта кергән керемнәр барлык дәрәҗәләрдәге бюджетларның планлаштырылган чыгымнарын тулысынча һәм үз вакытында түләргә, тиешле күләмдә финансларга мөмкинлек бирде.