Хөкүмәт социаль заказның эш итү өлкәләрен киңәйтү буенча закон проектын хуплады
Россия Федерациясе Хөкүмәте «Социаль өлкәдә дәүләт (муниципаль) хезмәт күрсәтүгә дәүләт (муниципаль) социаль заказы турында» 2020 елның 13 июлендәге 189-ФЗ номерлы Федераль законның социаль заказның гамәлдә булуын 6-9 юнәлештә киңәйтү өлешендә үзгәртелүен хуплады. Закон проекты Дәүләт Думасына кертелде.
Хәзер социаль заказ инструментларын шулай ук физкультура-савыктыру хезмәтләре күрсәткәндә, социаль әһәмияткә ия авыруларны профилактикалаганда һәм өстәмә белем бирү программаларын гамәлгә ашырганда да кулланырга мөмкин булачак. Соңгы очракта сәнгать өлкәсендә өстәмә һөнәри программалар гына искәрмә булачак. Моннан тыш, закон проекты хокук куллану практикасыннан килеп чыга торган юридик-техник төзәтмәләрне күздә тота. Мәсәлән, 442-ФЗ номерлы Федераль законда каралган социаль хезмәтләр белән тәэмин итүчеләр реестры социаль сертификат буенча хезмәт күрсәтүләр башкаручылар реестрына тигезләнә.
Исегезгә төшерәбез, закон проекты дәүләт идарәсендә клиентларны бәяләү принципларын кертү кысаларында Хөкүмәт йөкләмәләрен үтәү өчен әзерләнгән иде. Ике ел дәвамында социаль заказ буенча закон эшчәнлекнең 6 юнәлеше буенча 34 регион территориясендә апробация режимында эшли: социаль хезмәт күрсәтү, спорт әзерлеге, халыкның мәшгульлегенә булышлык итү, туризм, паллиатив медицина ярдәме, шифаханә-курорт дәвалануы. Шунысы мөһим, хезмәтләрне башкаручылар шул ук вакытта конкурс һәм социаль сертификат ярдәмендә конкурентлык нигезендә сайланалар. Россия финанслар министры урынбасары Алексей Лавров элегрәк билгеләп үткәнчә, 2022 елда мондый хезмәтләрне алучы гражданнар саны артты, паллиатив медицина ярдәме күрсәтү һәм социаль хезмәт күрсәтү өлкәләрендә, ә социаль заказ кысаларында хезмәтләрне алучыларның гомуми саны 5 млн кешегә җитте. Социаль заказны финанс белән тәэмин итүнең гомуми күләме - 83,1 млрд сум.