Ташламалы кредитлауның яңа программасы буенча республика банкларына 2,8 млрд сумнан артык суммага 24 гариза бирелгән
Татарстанда кече һәм урта эшкуарлык субъектларына ярдәм итүнең федераль һәм республика кризиска каршы чаралары гамәлгә ашырыла.
Россия Хөкүмәтенең 16.08.2022, № 1420 карары кысаларында ташламалы кредитлауның яңа программасы буенча республика банкларына 2,8 млрд сумнан артык суммага 24 гариза бирелгән. Бу хакта муниципаль районнар катнашында икътисадның тотрыклы үсешен тәэмин итү буенча эшче төркем утырышында хәбәр иттеләр. Утырышта муниципаль берәмлекләр тарафыннан МСП.РФ Цифрлы платформасында хезмәт күрсәтүләр паспортларын урнаштыру, Саба һәм Әлки районнарының сәнәгать паркларын үстерү, инвестицион климат торышы милли рейтингы күрсәткечләренең берсе буларак дәүләт-шәхси партнерлыкны үстерү мәсьәләләре буенча фикер алыштылар. Шулай ук эш төркеме утырышы кысаларында Баулы районы икътисадының тотрыклы үсешен тәэмин итү чаралары турында фикер алыштылар.