2024 елга бюджет классификациясе кодлары расланды

Россия Финанс министрлыгы 2024 елга, 2025 һәм 2026 еллар план чорына бюджет классификациясе кодларын һәм кодлар исемлеген эшләгән (Россия Финанс министрлыгының 2023 елның 1 июнендәге 80н санлы боерыгы). Документ Россия Юстиция министрлыгында теркәлгән һәм 2023 елның 31 июлендә басылып чыккан.

Боерык белән бюджет керемнәре төрләре кодлары, бюджет дефицитларын финанслау чыганакларын классификацияләү кодлары, федераль бюджет чыгымнарының максатчан статьялары чыгымнары юнәлешләре кодлары, керемнәрнең Баш администраторлары һәм бюджет дефицитларын финанслау чыганаклары кодлары, федераль бюджет акчаларының баш идарәчеләре, шулай ук тиешле кодлар исемлекләре белән тугыз стандарт кушымта расланган.

Моннан тыш, төрле федераль проектларның нәтиҗәләренә ирешү өчен федераль бюджет чыгымнарының максатчан статьялары чыгымнары юнәлешләре кодлары белән 87 кушымта әзерләнгән. Алар арасында "Төбәк аэропортларын үстерү", "Федераль магистраль челтәрне үстерү", "Илкүләм медицина тикшеренү үзәкләре челтәрен үстерү һәм инновацион медицина технологияләрен кертү", "Туристик инфраструктураны үстерү", "Уңайлы шәһәр мохитен формалаштыру" һәм башкалар бар.