РФ Финанс министрлыгында Россия икътисадындагы үзгәрешләр һәм Россиядә үткәрелә торган бюджет сәясәте принциплары турында сөйләделәр

Россия икътисадындагы үзгәрешләр һәм Россиядә үткәрелә торган бюджет сәясәте принциплары турында РФ Финанс министрлыгының Бюджет сәясәте һәм стратегик планлаштыру департаменты директоры урынбасары Евгений Домбровский «Россия һәм дөнья: яңа диварлар яки яңа кагыйдәләр» VIII Халыкара форумы барышында сөйләде.

"Россия икътисады структур трансформация чорын уңышлы уза. Без тотрыклылыкны саклап калдык, узган ел нәтиҗәләре буенча тулаем эчке продуктның кимүе нибары 2% тәшкил итте. 2,8% - 3% дәрәҗәсендә икътисадның көтелгән үсеш темпларын исәпкә алып, без 2021 елгы дәрәҗәгә чыгабыз дияргә була», – дип билгеләп үтте департамент директоры урынбасары.

"Гомумән алганда, мондый нәтиҗә – җаваплы икътисади сәясәт, шул исәптән бюджет сәясәте нәтиҗәсе. Безнең озак вакытлы чорга төп бурычыбыз – финанс суверенитетын формалаштыру: баланслы икътисади сәясәтне, дәүләт финансларының тотрыклылыгын, тотрыклы, түбән инфляцияне тәэмин итү, финанс инфраструктурасын һәм капитал базарын үстерү», – дип өстәде Евгений Домбровский. Тулырак мәгълүмат Россия Финанс министрлыгы сайтында китерелә.