2024 елның 1 гыйнварыннан нефть һәм нефть продуктлары экспортына пошлиналар нольгә төшә

2024 елның 1 гыйнварыннан нефть һәм нефть продуктлары экспортына пошлиналар нольгә төшә. Бер үк вакытта нефть буенча файдалы казылмалар чыгаруга салым һәм нефть эшкәртү өчен нефть чималына кире акциз ставкалары артачак.

Күрсәтелгән төзәтмәләр 2019 елда башланган нефть тармагындагы салым маневрын тәмамлау процессының соңгы этабы булып тора. Аларның төп максаты – тармакка адреслырак ярдәм итү юлы белән Россия территориясендә нефть эшкәртүнең нәтиҗәлелеген арттыру.