Финанс министрлыгы: Татарстан салым һәм салым булмаган керемнәр буенча лидерлар дүртлегенә керде
2024 елның 1 мартына Татарстанның берләштерелгән бюджетында салым һәм салым булмаган керемнәр 69,2 млрд сум тәшкил итте. Шулардан республика бюджетына – 58,6 млрд.сум, җирле бюджетларга – 10,6 млрд. сум. Бу хакта бүген «Татар-информ» да узган матбугат конференциясендә Татарстан Республикасы финанс министры урынбасары Алла Анфимова хәбәр итте.
"2024 елга салым һәм салым булмаган керемнәр буенча керемнәр планы 400 млрд сум күләмендә расланды. Гыйнвар-февраль айларында республиканың берләштерелгән бюджеты буенча планлы билгеләнешнең үтәлеше 17,3%, Татарстан Республикасы бюджеты буенча – 17,6%, җирле бюджет буенча – 15,7% тәшкил итте. Берләштерелгән бюджетның мобилизацияләнгән салым һәм салым булмаган керемнәре күләме буенча Татарстан ил субъектлары арасында Мәскәү, Санкт-Петербург һәм Мәскәү өлкәсеннән соң дүртенче позициядә тора, Идел буе федераль округында исә лидер», – дип билгеләп үтте ул.
Гыйнвар-февраль айларында республика территориясеннән 198,4 млрд сум күләмендә салым һәм салым булмаган керемнәр мобилизацияләнгән. Шул исәптән 129,2 млрд сум федераль бюджетка һәм 69,2 млрд сум төбәкнең берләштерелгән бюджетына кергән.