2024-2025 елларда Россия предприятиеләренең 2 мең идарәчесе Президент программасы буенча укытылачак
Идарәче кадрлар әзерләүнең Президент программасы икътисадның актуаль бурычларына юнәлдерелгән. Укуны югары һәм урта звено җитәкчеләре, шулай ук бизнес милекчеләре уза ала. Оештыручы – Россия Икътисади үсеш министрлыгы.
"Президент программасы – бизнес буенча белем бирүнең уникаль федераль программасы. Ул идарә итү компетенцияләренең сыйфатын күтәрергә мөмкинлек бирә, бу аерым компаниянең үсеше өчен дә, тулаем Россия икътисады өчен дә мөһим. 2024-2025 елларда аның буенча 62 төбәктән 2 мең идарәче белем алачак. Барыннан да бигрәк гаризаларны без Курск, Кострома, Ленинград өлкәләреннән алдык", - дип билгеләп үтте Россия Икътисади үсеш министры урынбасары Татьяна Илюшникова.
Программага 30 яшьтән алып 49 яшькә кадәрге белгечләр арасында аеруча зур кызыксыну уята. Гомумән алганда, программа «яшәрә»: 2021/22 уку елына 40-49 яшьлек тыңлаучылар өлеше 6% ка кимегән, ә 30-39 яшьлек тыңлаучылар 8% ка арткан. Белгечләрнең 24%ы – оешма директоры, җитәкчесе яки оештыручысы, 22%ы – директор урынбасарлары, проект җитәкчеләре, баш инженерлар, 41%ы – бүлек җитәкчеләре һәм мөдирләре, төркем җитәкчеләре, әйдәп баручы инженерлар.
Ел саен стажировкаларның төп юнәлешләре булып гомуми икътисадый кооперация һәм сәүдә, шулай ук сәнәгатьтә һәм агросәнәгать комплексында кооперация тора. Катнашучылар өчен предприятиеләргә төркемләп һәм индивидуаль эшкуарлык эшчәнлегенең төрле өлкәләре, контактлар биржасы вәкилләре белән очрашулар оештырыла.
Президент программасы буенча укулар сентябрьдә башлана.