КПРФ фракциясе якын киләчәккә республика бюджеты проектын тикшерде

КПРФ фракциясенең 16 октябрьдә булган киңәйтелгән утырышында республиканың берничә министрлыгы 1әм ведомствосы җаваплы җитәкчеләре дә катнашты. Алар белән бергәләп, коммунист-депутатлар “2014 елга һәм 2015-2016 еллар план чорына ТР бюджеты турында” ТР законы проектын карап тикшерделәр.

Утырышны ачып җибәреп, фракция җитәкчесе Хафиз Миргалимов коммунистларның мондый киң форматта бары тик гадәттән тыш әһәмияткә ия булган документларны тикшергәндә генә җыелуын билгеләп үтте. “Республика бюджетын без халык язмышы һәм республиканың социаль-икътисадый үсеше өчен бик мөһим закон дип карыйбыз”, - диде ул.

Республиканың киләсе өч елда социаль-икътисадый үсеше фаразлары турында мәгълүмат белән депутатларны ТР Икътисад министры урынбасары Сәрия Сираҗиева таныштырды. Ул бюджет проектын тикшерүгә багышланган парламент тыңлауларында һәм зональ киңәшмәләрдә яңгыраган сораулар һәм КПРФ вәкилләре керткән тәкъдимнәрдә җентекләбрәк тукталды.

ТР Фининс министры Радик Гайзатуллин республика бюджеты параметрлары турында сөйләде. Ул закон проектын тикшерүдә гадәттәгечә актив катнашкан өчен КПРФ фракциясенә рәхмәт белдерде һәм тәкъдимнәрнең күпчелегенең игътибарга лаек булуын билгеләп үтте.

Бюджет проектын тикшерү барышында Дәләт Советы депутатлары Хафиз Миргалимов, Альберт Бикмуллин, Валентин Кострин, Рафаэль Нуретдинов һәм РФ Дәүләт Думасы депутаты Виктор Пешков күп фатирлы өйләрне ремонтлау программасының дәвам ителүе һәм республикада юллар төзелешенең финислануы проблемалары белән кызыксындылар. Шулай ук республкиа бюджеты хисабына чишелергә тиешле башка мәсьәләләр каралды – депутатлар Җәлил бистосенең су белән тәэмин ителеше, халыкка медицина хезмәте күрсәтүдәге җитешсезлекләр, Түбән Камада яҗа мәктәп төзү планнары, авыл хуҗалыгы предприятиеләренә ярдәм, куркынычсызлык техникасы һәм хезмәтне саклау сораулары, торак-коммуналь хуҗалыкны реформалауның нәтиҗәлелеге һәм башкалар белән кызыксындылар. Аларның сорауларына ТРның Икътисад министрлыгы, Фининс министрлыгы, Төзелеш, архитектура һәм ТКХ министрлыгы, Хезмәт, мәшгулият һәм социаль яклау министрлыгы, Сәламәтлек саклау министрлыгы, Авыл хуҗалыгы һәм азык-төлек министрлыгы вәкилләре җавап бирделәр.

Утырыштан соң фракция әгъзалары ММЧ вәкилләре белән очраштылар, алар катнашында “Татарстан Республикасының 2014 елга бюджеты. КПРФ фракциясе фикере” дигән темага пресс-конференция булды.