2024 елның 1 сентябренә республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән 13 523,4 млн. сум керде

2024 елның гыйнвар-август айларында, максатчан тотылырга тиешле керемнәрне исәпкә алып, республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән консолидацияләнгән керемнәр 13 523,4 млн.сум күләмендә тупланды, бу 2023 елның шул ук чоры керемнәреннән 3 532,7 млн. сумга күбрәк.

Дәүләт учреждениеләре буенча керемнәр 10 145,0 млн.сум, муниципаль учреждениеләр буенча – 3 378,4 млн. сум тәшкил итте.