Татарстан Республикасы 2024 елда бәяләү нәтиҗәләре буенча бурычларның тотрыклылыгы югары булган Россия Федерациясе субъектлары төркеменә керде
Россия Федерациясе Финанс министрлыгы 2024 елда Россия Федерациясе субъектларының бурычлары тотрыклылыгына бәя бирде.
Бәяләү түбәндәге күрсәткечләрне кулланып башкарылды:
- кире кайтарылмый торган керемнәрне исәпкә алмыйча, бюджет керемнәренең гомуми күләменә карата дәүләт бурычы күләме;
- субвенцияләр исәбеннән гамәлгә ашырыла торган чыгымнар күләменнән тыш, бюджет чыгымнарының гомуми күләмендә дәүләт бурычына хезмәт күрсәтү чыгымнары өлеше;
- бюджетның салым һәм салым булмаган керемнәренең һәм Россия Федерациясе бюджет системасы бюджетларыннан дотацияләрнең гомуми күләменә карата чираттагы финанс елыннан соң килүче елның 1 гыйнварыннан соң бурыч йөкләмәләрен түләү сроклары белән вакытыннан алда түләүгә җибәрелә торган түләүләрне исәпкә алмыйча, чираттагы финанс елының 1 гыйнварына барлыкка килгән дәүләт бурычын түләү һәм аңа хезмәт күрсәтү буенча еллык сумма;
- дәүләт бурычының гомуми күләмендә кыска сроклы бурыч йөкләмәләренең өлеше.
Бәяләүне үткәрү нәтиҗәләре буенча Россия Федерациясе субъектлары түбәндәге төркемнәренең берсенә керәләр:
а) бурыч тотрыклылыгының югары дәрәҗәсе;
б) бурыч тотрыклылыгының уртача дәрәҗәсе;
в) бурыч тотрыклылыгының түбән дәрәҗәсе.
2024 елда комплекслы бәяләү нәтиҗәләре буенча Татарстан Республикасы Россия Федерациясе субъектларының бурыч тотрыклылыгы югары булган төркеменә кертелде.