2025 елга һәм 2026 һәм 2027 елларның план чорына республика бюджеты турындагы закон проекты бүген Дәүләт Советы утырышында икенче укылышта һәм тулаем кабул ителде, якын арада Татарстан Республикасы Рәисенә имзалауга җибәреләчәк. 

2025 елдан 2027 елга кадәр илкүләм проектларны гамәлгә ашыруга Татарстанда барлыгы 145,9 млрд сум юнәлдереләчәк: 2025 елда – 44,2 млрд, 2026 елда – 48,6 млрд һәм 2027 елда – 53,1 млрд. сум. Бу хакта «Татар-информ»да узган матбугат конференциясендә республика финанс министры урынбасары Гела Герасимова сөйләде.

2024 елның ун аенда Татарстанның берләштерелгән бюджетына салым һәм салым булмаган керемнәр 439,4 млрд сум күләмендә тупланды. Шулардан 366,3 млрд сум – Татарстан бюджеты һәм 73,1 млрд сум җирле бюджетларга керде, дип сөйләде Татарстан финанс министры урынбасары Алла Анфимова «Татар-информ»да узган матбугат конференциясендә.

Татарстан Республикасында Россия Федерациясе Хөкүмәтенең 1704 санлы карары кысаларында Татарстан Республикасы бюджеты акчалары исәбеннән яңа инвестиция проектларын гамәлгә ашыру өчен кирәкле инфраструктура объектларын төзү программасы тулысынча үтәлде.