РФдә кече IT-бизнес дәүләт ярдәме белән 24 млрд сумлык кредитлар җәлеп иткән
IT өлкәсеннән кече һәм урта бизнес 2024 елның III кварталы мәгълүматлары буенча гомуми суммасы 24 млрд сумнан артык булган финанс ярдәме белән кредитлар җәлеп иткән. Бу хакта Кече һәм урта эшкуарлык (КУЭ) корпорациясе матбугат хезмәтендә хәбәр иттеләр.
Кредитлау күләме 2023 елның шул ук чоры белән чагыштырганда 17% ка арткан. Шул ук вакытта КУЭ Корпорациясенең "зонтик" поручительлекләрен кулланып алынган кредит ярдәме 3,3 тапкырга арткан.
"Быел кече һәм урта IT-бизнеска финанс ярдәменең бөтен күләмен корпорация "зонтик" поручительстволардан файдаланып бирде, - дип билгеләп үтте кече һәм урта бизнес корпорациясе генераль директоры Александр Исаевич. - Әлеге механизм ярдәмендә алынган кредитларның гомуми суммасы тугыз айда 11,8 млрд сумга җитте, бу узган елның шушы чорына караганда 3,3 тапкырга күбрәк".
"Зонтик" поручительлекләр кредит суммасының 50% кадәр тәэмин итә һәм кредитлау срогы 15 елга кадәр булганда 1 млрд сумга җитәргә мөмкин. Эшмәкәрләр инвестиция максатларына, әйләнештәге акчаларны тулыландыруга, бизнесны үстерүгә һәм башка бурычларны хәл итүгә финанслау алырга мөмкин.