2014-2015 елларда ТРның 110 торак пункты каты өслекле юллар белән тәэмин ителәчәк

2013 елның 8 октябре, сишәмбе
Тагын әле 700 дән артык авылны каты өслекле юллар белән тоташтырасы бар. Беренче чиратта бу эшне халкы 125 кешедән артык булган 110 авылда башкарырга кирәк булачак. Бу саннарны Татарстан Премьер-министры Илдар Халиков бүген ТР Транспорт һәм юл хуҗалыгы министрлыгы коллегиясенең киңәйтелгән утырышында белдерде. Утырыш “Дортрансэкспо”ның 13нче махсуслаштырылган күргәзмәсе кысаларында узды, ул Татарстан юл өлкәсе эшләренең агымдагы елның 9 ае нәтиҗәләренә багышланган иде.

Илдар Халиков искәртүенчә, әгәр 2010 елга кадәр республикада елына 10 торак пунктны каты өслекле юллар белән тәэмин иткән булсак, инде менә дүрт ел рәттән ел саен 50-60 торак пунктка каты өслекле юллар сузыла, Татарстанда соңгы 3 елда 150 дән артык авыл каты өслекле юллар белән тәэмин ителгән.

“Бу чаралар авылларны саклап калуга, авыл җирлекләрендә гамәлгә ашырылучы хөкүмәт программаларын гамәлгә ашыруга өлеш кертә”,-дип ассызыклады Илдар Халиков.Аның сүзләренчә, 2015 ел йомгаклары буенча республикада 125 тән артыграк кеше яшәгән авылларны каты өслекле юллар белән тәэмин итүне тәмамлау бурычы куелган, моның өчен ресурслар җитәрлек.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Халык мөрәҗәгатьләре өчен
Адрес: 420015, Казан шәһәре, Пушкин урамы, 37
Телефон: +7 (843) 264-79-06, 264-37-45
Факс: +7 (843) 264-78-01
E-Mail: minfin@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International