ТР Финанс министрлыгында профсоюз комитеты рәисен сайладылар
Татарстан Республикасы Финанс министрлыгының киңәшмәләр залында Татарстан Республикасы Финанс министрлыгының беренчел профсоюз оешмасының хисап-сайлау конференциясе узды.
Конференция эшендә Татарстан финанс министр урынбасары Алла Анфимова һәм Россия Федерациясе дәүләт учреждениеләре һәм иҗтимагый хезмәт күрсәтү хезмәткәрләре гомумроссия профсоюз берлегенең Татарстан Республикасындагы оешмасы рәисе Ольга Калашникова катнашты.
Җыелышта Татарстан Республикасы Финанс министрлыгының беренчел профсоюз оешмасы комитетының 2020 елның гыйнварыннан 2024 елның декабренә кадәр эшләү чорындагы эше турында хисап каралды.
Татарстан Республикасы Финанс министрлыгы профсоюзының беренчел оешмасы рәисе итеп яңадан Анна Викторовна Петрова сайланды.
Профсоюзның Татарстан республика оешмасы рәисе Ольга Калашникова ТР Финанс министрлыгы профсоюз комитетының профсоюз Уставының һәм Профсоюзның 2020-2025 елларга гамәлләр программасының үтәлеше буенча эшенә уңай бәя бирде, шулай ук чараны оештыруның югары дәрәҗәдә булуын билгеләп үтте. Ул профсоюз активына инициативалылыгы өчен рәхмәт белдерде һәм киләчәктә уңышлы уртак эшчәнлеккә ышаныч белдерде.
Конференция профсоюз әгъзаларын Мактау грамоталары белән бүләкләү белән тәмамланды.