Кече һәм урта эшмәкәрләр II кварталда "зонтик" поручительлекләр ярдәмендә 46 млрд сумнан артык чаралар алачак
Кече һәм урта эшмәкәрлек корпорациясе партнер банкларга 23 млрд сумлык "зонтик" поручительлек лимитлары биргән, алар кече һәм урта предприятиеләргә 2025 елның икенче кварталында 46 млрд сумнан да ким булмаган кредит чараларын җәлеп итәргә мөмкинлек бирәчәк. Бу хакта Кече һәм урта эшмәкәрлек корпорациясе хәбәрендә әйтелә.
Билгеләп үтелгәнчә, бүлеп бирелгән лимитта микрокредитлау өчен 3 млрд сум "зонтик" поручительлек салып калдырылган. Бу эшмәкәрләргә 6 млрд сумга кадәр чаралар алу мөмкинлеген тәэмин итәчәк.
Кече һәм урта эшмәкәрлек корпорациясендә шулай ук "зонтик" поручительлекләр хисабына 2030 елга кадәр кече һәм урта бизнес барлыгы 1,3 трлн сумнан да ким булмаган күләмдә банк кредитлары җәлеп итә алачак, дип аңлаттылар.
Элегрәк хәбәр ителгәнчә, Кече һәм урта эшмәкәрлек корпорациясенең "зонтик" поручительлекләре банк кредиты суммасының 50% ка кадәр өлешен каплый. Бер поручительлек суммасы 1 млрд сумга җитәргә мөмкин, ә срогы 10 елга кадәр булганда кредит суммасы 2 млрд сумга кадәр бирелә ала.