Химик-токсикологик тикшеренүләр уздыру өчен яңа җайланма сатып алуга Татарстан Республикасы бюджетыннан чаралар бүлеп бирелә

Татарстан Республикасы Сәламәтлек саклау министрлыгының Республика наркология диспансеры структурасында кеше организмында алкоголь, наркотик чаралар һәм психотроп матдәләр булуын ачыклау максатыннан биологик үрнәкләргә химик-токсикологик тикшеренүләр үткәрү өчен булдырылган клиник-диагностик лаборатория эшләп килә. Яңа синтетик наркотик һәм психотроп кушылмалар барлыкка килү сәбәпле, аларны бары тик газлы хромато-масса-спектрометрия методы белән генә ачыклау мөмкин. Шуңа бәйле уздырыла торган тикшеренүләр саны шактый артты.

Лабораториянең җитештерүчәнлеген арттыру һәм химик-токсикологик тикшеренүләр нәтиҗәләрен әзерләү вакытын киметү өчен Татарстан Республикасы җитәкчелеге тарафыннан медицина тикшеренүләре уздыру өчен ясалган заманча аппарат-программа комплексын сатып алу өчен Татарстан Республикасы бюджетыннан 12,5 миллион сум күләмендә чаралар бүлеп бирү турында карар кабул ителде.