Россия Федерациясендә кече һәм урта эшкуарлык субъектларын бердәм реестрга кертү процедураларын гадиләштерәчәкләр
РФ Президенты Владимир Путин кече һәм урта эшмәкәрлек субъектларын Кече һәм урта эшмәкәрлек субъектларының бердәм реестрына кертү процедураларын гадиләштерүгә юнәлдерелгән канунга кул куйган. Документ хокукый мәгълүматның рәсми порталында бастырылган.
Үзгәрешләр "Россия Федерациясендә кече һәм урта эшмәкәрлекне үстерү турында" Законга кертелә. Документ, хокук куллану тәҗрибәсен исәпкә алып, кече һәм урта эшкуарлык субъектларын Кече һәм урта эшкуарлык субъектларының бердәм реестрына кертү процедурасын оптимальләштерә, шулай ук моношәһәрләрнең һәм махсус икътисадый зоналарның кече һәм урта эшкуарлык субъектларына ярдәм итүнең яңа коралларын, шул исәптән гамәлгә ашырыла торган ташламалы кредитларны һәм гарантияле ярдәмне эшләтеп җибәрергә мөмкинлек бирә.